News
Լրահոս
News
Երեքշաբթի
Մարտ 19
Տեսնել լրահոսը

Եվրասիական տնտեսական միության (ԵՏՄ) մասնակից երկրները կարող են ստորագրել համաձայնագիր ԵՏՄ տարածքում ոսկերչական իրերի հարգադրոշմների փոխադարձ ճանաչման եւ Եվրասիական ոսկերչական բյուրոյի ստեղծման մասին։ Այս մասին տեղեկացնում է «Իզվեստիա» պարբերականը՝ հղում կատարելով Եվրասիական տնտեսական հանձնաժողովի աղբյուրին։

Պարբերականի տվյալներով՝ հոկտեմբերի 25-ին Մոսկվայում ԵՏՄ երկրների կառավարությունների ղեկավարների միջեւ կստորագրվի փաստաթուղթ՝ «Համաձայնագիր ԵՏՄ շրջանակում թանկարժեք մետաղներով եւ թանկարժեք քարերով գործողությունների կատարման առանձնահատկությունների մասին»։ Առաջին հերթին, համաձայնագիրը ենթադրում է փոխըմբռնում ոսկերչական իրերի հարգադրոշմների հարցում։ Դա թույլ կտա ապահովել զարդերի ազատ շրջանառում ԵՏՄ տարածքում, ինչպես նաեւ ներդաշնակեցնել ոսկերչական ոլորտի իրավական կարգավորումը։ Վերջապես, խոսքը հարգերի պետական վերահսկողության միասնականացման մասին է կեղծված ոսկերչական իրերի շրջանառությունը կասեցնելու համար։

«Բիզնեսը վաղուց  եւ ակտիվորեն բարձրացրել է հարգերի փոխադարձ ճանաչման հարցը, քանի որ ԵՏՄ այլ երկրներում հարգերը ստանալու անհրաժեշտությունը հանգեցնում էր տրանզակցիոն վնասների փոխադարձ առեւտրում։ Այս համաձայնագրով բիզնեսը կստանա միջոցների եւ ժամանակի խնայողություն ոսկերչական իրերի լրացուցիչ կրկնակի հարգումը բացառելու պատճառով։ Եվ դա լավ պայմաններ կստեղծի ԵՏՄ-ում ապրանքաշրջանառության ծավալների ավելացման եւ արտաքին շուկա արտահանման համար»,- ասել է Ղրղզստանի ֆինանսների փոխնախարար Ալմազբեկ Ազիմովը։

Նշվում է, որ երկրորդ փաստաթուղթը լինելու է ԵՏՄ տարածքում արտադրված ոսկերչական արտադրանքի ներկայացման պլանը երրորդ երկրների շուկաներում։ Պլանի կարեւոր կետերից մեկը Եվրասիական փորձագիտական ոսկերչական բյուրոյի ստեղծումն է։ ԵՏՀ հաշվարկներով, եվրասիական բրենդի օգնությամբ ոսկերչական զարդերի արտահանման ծավալը կավելանա մինչեւ 1,3 մլրդ դոլար։ «ԵՏՄ-ն միանգամայն նպատակաուղղված ձեւով կգործարկի իր սեփական մասշտաբային նախագիծը ոսկերչական ճյուղում, որը թույլ կտա ստեղծել եվրասիական բրենդներ եւ ԵՏՄ-ն ներկայացնել համաշխարհային մասշտաբով»,- պարբերականին ասել է ԵՏՀ նախագահ Տիգրան Սարգսյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կառավարությունը հավանություն տվեց ԵԱՏՄ-ի եւ երրորդ կողմերի մաքսային տարանցման միասնական համակարգի մասին համաձայնագրին
Համաձայնագրի նախագիծը սահմանում է Միության և երրորդ կողմի (երրորդ կողմերի) միասնական մաքսային տարանցման համակարգի գործունեության հիմնական...
ԵԱՏՄ-ում կփոխվեն անասնաբուժական դեղերի շրջանառության կանոնները
ԵԱՏՄ կփոխվի կանոններն անասնաբուժական դեղերի շրջանառության հարցում...
ԵԱՏՄ գազի ընդհանուր շուկայի ձեւավորման մասով երկրների միջեւ կան մի շարք հարցեր. փոխնախարար
ԵԱՏՄ անդամ երկրների միջեւ կան մի շարք հարցեր...
ՌԴ-ից մեծ կախվածություն ունենք՝ ԵԱՏՄ-ն լքելը ռիսկային է. Ֆինանսների նախարար
«Ամեն դեպքում կախվածությունը մեկ կետից, որն էլ լինի այդ կետը, պետք է դիվերսիֆիկացնել»․․․
Պեսկովը հայտնել է, որ Հայաստանը շահում է ԵԱՏՄ-ին անդամակցությունից
Դա մասամբ տեղի է ունենում մեր երկրի հետ շատ սերտ փոխշահավետ համագործակցության եւ ԵԱՏՄ-ին Հայաստանի անդամակցության պատճառով, դա միանշանակ է...
ՊԵԿ պատվիրակությունը մասնակցել է ԵԱՏՄ պետությունների մաքսային ծառայությունների միավորված կոլեգիայի 45-րդ նիստին
Որոշում է կայացվել Եվրասիական տնտեսական միության անդամ պետությունների...
Ամենաշատ