News
Լրահոս
News
Հինգշաբթի
Նոյեմբեր 21
USD
476.98
EUR
527.68
RUB
7.46
ME-USD
0.06
Տեսնել լրահոսը

Հայաստանը երկիր է, որի մասին մտածում ես ինչպես բարեկամի: Այս մասին ֆրանսիական Օվեռն Ռոն Ալպեր դեպարտամենտի ղեկավար Լորան Վոկիեն ասել է Երեւանում Հայաստանի հետ բարեկամությանը նվիրված երեկույթի ժամանակ: Նշենք, որ սա դեպարտամենտի նման ներկայացուցչական պատվիրակության առաջին այցն է:

Լորան Վոկիեի խոսքով՝ ինչպես բոլոր ֆրանսիացիների, իր վրա անձամբ եւս մեծ տպավորություն է գործել 1988 թվականին Հայաստանում տեղի ունեցած երկրաշարժը: «Հայաստանը երկիր է, որի մասին մտածում ես ինչպես բարեկամի: Հավանաբար, նրա մարմնավորում կարելի է անվանել Շառլ Ազնավուրին»,- նշել է Վոկիեն: Հայ համայնքի հետ շփվելիս հայտնվում ես նրա ջերմության, բարյացակամության, հյուրընկալության տպավորության տակ: «Հուզում է նրա խորագույն կապվածությունն իր արմատներին: Միաժամանակ՝ հարգանքը Ֆրանսիայի եւ ամեն ֆրանսիականի հանդեպ»,- շեշտել է Վոկիեն:

«Աշխարհը պետք է ճանաչի Արարատի ստորոտին գտնվող երկրի ներուժը: Տեսնի ժամանակակից Հայաստանը»,- հայտարարել է դեպարտամենտի ղեկավարը: Հակիրճ ներկայացնելով վարչապետի հետ հանդիպման արդյունքները՝ Լորան Վոկիեն ընդգծել է, որ նշվել են համագործակցության առաջնահերթ ուղղությունները՝ թվային տեխնոլոգիաներ, էկոտուրիզմ, լեռնադահուկային տուրիզմ: «Ես տեսա երկիր, որտեղ իշխանափոխությունը տեղի է ունեցել առանց բռնության: Աշխարհում էլի որտե՞ղ կտեսնես նման բան: Հիմա անհրաժեշտ է միահամուռ այնպես անել, որ Հայաստանի վաղվա օրն ավելի լավը լինի»,- նշել է դեպարտամենտի ղեկավարը:

Պատվիրակությունն այսօր կայցելի Գյումրի:

!
Այս նյութը հասանելի է նաև   English and Русский
Տպել
Ամենաշատ