News
Լրահոս
News
Երեքշաբթի
Մարտ 19
Տեսնել լրահոսը

Հոկտեմբերի 22-ին Հայաստանի մարդու իրավունքների պաշտպանի աշխատակազմում  տեղի է ունեցել աշխատանքային իրավունքների պաշտպանության եւ աշխատակազմի կարողությունների զարգացմանն ուղղված ծրագրի մեկնարկային միջոցառում։ Մարդու իրավունքների պաշտպանի աշխատակազմը ծրագիրն իրականացնում է Հայաստանում Բուլղարայի դեսպանատան աջակցությամբ։

Մարդու իրավունքների պաշտպան Արման Թաթոյանը բացման խոսքում կարեւորել է Բուլղարիայի դեսպանության հետ ձեւավորված արդյունավետ համագործակցությունը եւ այն ծրագրային ուղղությունները, որոնցով նախատեսվում է համագործակցություն։

Ծրագրի շրջանակում նախատեսվում է աշխատանքային իրավունքների իրազեկման աշխատանքներ, մասնավորապես՝ հասարակության շրջանում ուղեցույցների, տեղեկատվական թերթիկների տարածում, տեսանյութերի պատրաստում, ինչպես նաեւ Մարդու իրավունքների պաշտպանի աշխատակազմի կարողությունների զարգացում։

ՀՀ-ում Բուլղարիայի Հանրապետության արտակարգ եւ լիազոր դեսպան Մարիա Պավլովա Ցոցորկովան հույս է հայտնել, որ ինչպես նախորդ ծրագիրը, որն ուղղված էր սպառողների իրավունքների պաշտպանությանը, այնպես էլ նոր ծրագիրը դրական արդյունք կունենա աշխատանքային իրավունքների պաշտպանության ոլորտում։

Մարդու իրավունքների պաշտպանը այս ոլորտում կարեւորել է նաեւ հասարակական կազմակերպությունների, պետական մարմինների ու լրագրողների հետ համատեղ աշխատանքը դրական արդյունքի հասնելու համար:

Միջոցառման ժամանակ Պաշտպանի ներկայացուցիչները ներկայացրել են Հայաստանում աշխատանքային իրավունքների պաշտպանության վիճակը, ինչպես նաեւ Մարդու իրավունքների պաշտպանին հասցեագրվող բողոքների քննարկման արդյունքում վեր հանված համակարգային խնդիրները։

Համատեղ իրականացվող ծրագրի ընթացքում Պաշտպանը հանդես կգա նաեւ արտահերթ զեկույցով, որտեղ  կամփոփվի  աշխատանքային իրավունքների պաշտպանության ոլորտին առնչվող օրենսդրական եւ գործնական խնդիրները, ինչպես նաեւ կներկայացնի համապատասխան առաջարկություններ դրանց լուծման ուղղությամբ:

!
Այս նյութը հասանելի է նաև   English
Տպել
Ամենաշատ