News
Լրահոս
News
Երեքշաբթի
Մարտ 19
Տեսնել լրահոսը


Ընդհանրապես «Հոկտեմբերի 27»-ը ամբողջական ուսումնասիրված չէ, որովհետեւ, դատավարության ընթացքում Ռոբերտ Քոչարյանի եւ իր իշխանության անձնակազմի կողմից ամեն ինչ արվեց, որպեսզի հիմնական վկաները չհայտնվեն դատարանի դահլիճում: Այս մասին այսօր՝ հոկտեմբերի 23-ին, ԱԺ-ում լրագրողների հետ զրույցում նշեց ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը, ով 1999 թվականի հոկտեմբերի 27-ին վարչապետ Վազգեն Սարգսյանի ազգային անվտանգության, պաշտպանության հարցերով խորհրդականն էր:

Հարցին, թե ինչու այս 1,5 տարում քայլ չի արվել «Հոկտեմբերի 27»-ի բացահայտման ուղղությամբ, Անդրանիկ Քոչարյանը պատասխանեց. «Իսկ ո՞վ է ասում, որ քայլ չի արվել: Եկեք չխոսենք արված կամ չարված քայլերի մասին, եկեք խոսենք այն հնարավոր ազդակների մասին, նախաքննական մարմնի համար նոր հանգամանքների մասին, որը հնարավորություն կտա սկսել գործընթացը:

«Հոկտեմբերի 27»-ի մասին արդեն մեկ տարի է խոսում է Վաղարշակ Հարությունյանը, Արամ Սարգսյանը: Ընդհանրապես «Հոկտեմբերի 27»-ը ամբողջական ուսումնասիրված չէ, որովհետեւ, դատավարության ընթացքում Ռոբերտ Քոչարյանի եւ իր իշխանության անձնակազմի կողմից ամեն ինչ արվեց, որպեսզի հիմնական վկաները չհայտնվեն դատարանի դահլիճում: Եվ դատավոր պարոն Ուզունյանը վաղ թե ուշ այդ հարցերի պատասխանը պետք է տա: Այնուամենայնիվ, իրեն ով էր պարտադրում, որ նա նման որոշում կայացնի»:

Նա հավելեց, որ «Հոկտեմբերի 27»-ի գործով Ռոբերտ Քոչարյանն էլ պետք է շատ ասելիք ունենա. «Որովհետեւ հոկտեմբերի 27-ի օրը ինքը նախագահականում հանդիպում էր ինչ-որ բարձրաստիճան պաշտոնյայի հետ, որի մասին ինքն էլ է գրել: նա հրավիրել էր նաեւ Վազգեն Սարգսյանին, որին փորձում էր համոզել, որ չարժի այսօր գնալ ԱԺ: Ես դա մի քիչ այլ կոնտեքստում եմ նայում, եւ դա նշանակում է, որ նախաքննական մարմին նոր հանգամանքներ ի հայտ գալու պայմաններում դեռ շատ հարցերի ուսումնասիրման հնարավորություն պետք է ունենա, որից իրեն զրկել են 20 տարի առաջ: 20 տարի առաջ Ռոբերտ Քոչարյանը պետք է ամեն ինչ աներ, որ «Հոկտեմբերի 27»-ը բացահայտվեր: Հրանտ Մաթեւոսյանն ասել էր՝ «Հոկտեմբերի 27»-ը պետք է բացահայտված լիներ հոկտեմբերի 28-ին: Այդ կասկածամտության որդը չպետք է հոշոտի մեր հասարակությանը: «Հոկտեմբերի 27»-ի չբացահայտված լինելը շարունակում է մեր հասարակության մեջ պառակտման լուրջ հիմքեր թողնել»,-ընդգծեց Անդրանիկ Քոչարյանը:

!
Այս նյութը հասանելի է նաև   English
Տպել
Կարդացեք նաև
Ամբողջը
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Սահմաններին վնասազերծվել է ավելի քան 4000 ահաբեկչական խմբավորում. Իրանի սահմանային ոստիկանության պետ
Սահմանապահ ծառայության օպերատիվ կարողություններն ու բարելավվել են․․․
ԱՄՆ դեսպանատունը նախազգուշացրել է առաջիկա երկու օրվա ընթացքում Մոսկվայում ահաբեկչությունների սպառնալիքի մասին
Ռուսական իշխանությունները դեռ չեն մեկնաբանել ամերիկյան դիվանագիտական ​​ներկայացուցչության հայտարարությունը...
Ռուսաստանը Գարրի Կասպարովին ավելացրել է ծայրահեղականների և ահաբեկիչների ցուցակ
2012 թվականին նա ընտրվել է Ռուսաստանի ընդդիմության համակարգող խորհրդի անդամ...
AFP. Բելգիայում ահաբեկչություն նախապատրաստելու մեջ կասկածվող երեք դեռահասներ ձերբակալվել են Ֆրանսիայում
Գործակալության փոխանցմամբ՝ «15-ից 17 տարեկան երեք դեռահասներ ձերբակալվել են Ֆրանսիայի երեք...
ԱԷՄԳ-ն կօգնի Ճապոնիային ապահովել ամենամեծ ԱԷԿ-ի պաշտպանությունն ահաբեկչություններից. Kyodo
ԱԷՄԳ մասնագետները կօգնեն Ճապոնիային...
Ամենաշատ