News
Լրահոս
News
Երեքշաբթի
Մարտ 19
Տեսնել լրահոսը

Միջնաժամկետ կամ երկարաժամկետ հեռանկարում Թուրքիան քրդերի դեմ ռազմական գործողությունները կշարունակի: Հոկտեմբերի 23-ին լրագրողների հետ հանդիպման ժամանակ այս մասին ասաց քրդական հարցով փորձագետ, քաղաքագետ Վահրամ Պետրոսյանը:

Նրա խոսքով՝ Թուրքիայի համար քրդերը էքզիստենցիալ հարց են ներկայացնում եւ սպառնում են ներկայիս տեսքով պետության բուն գոյությանը, այս պատճառով Էրդողանը դեռեւս չի հասել իր նպատակին: «Թուրքիայի համար ընդունելի որոշում կլինի Սիրիայում քրդերին որեւիցե կարգավիճակից զրկելը եւ զինված կազմավորումների առկայության բացառումը՝ լինեն դրանք օրինական, թե անօրինական: Քրդական հարցը ներքին պատճառներ ունի, Թուրքիայի իշխանությունների քաղաքականության հետեւանքն է, այսինքն՝ դրսից չի ներմուծված: Ուստի եթե անգամ հաջողվի վերջնականապես լուծել Քրդական աշխատավորական կուսակցության հարցը, ապա մեկ ուրիշ կազմակերպություն կհայտնվի: Խնդիրն այն է, որ երբ թուրքական իշխանությունները փորձում են պայքարել օրինական քրդական կազմակերպությունների դեմ, նրանք ընդհատակ են անցնում, եւ հետագա ճնշումների դեպքում վերածվում են արմատականների»,- ասաց փորձագետը:

Պետրոսյանը նշեց, որ Թուրքիան, ըստ էության, արել է այն, ինչին ձգտել են նաեւ տարածաշրջանում մյուս լուրջ խաղացողները: «ԱՄՆ-ն, որը ԻԼԻՊ-ի դեմ պայքարում քրդերի դաշնակիցն էր, թուլացրեց քրդերին, բայց դա արեց ի դեմս Թուրքիայի՝ ՆԱՏՕ-ի դաշնակցի ձեռքերով: Ռուսաստանը եւս շահում է՝ հարված հասցնելով ԱՄՆ իմիջին այն հիմնավորմամբ, որ Վաշինգտոնը քրդերին լքեց: Չնայած Մոսկվան կնախընտրեր, որ ռազմական գործողությունները շարունակվեին, ինչը կթուլացներ Թուրքիային, սակայն այն, որ սիրիական բանակը նշված գոտում որոշ տարածքներ է ստացել, Ռուսաստանին նույնպես ձեռնտու է: Այս իրավիճակը միանգամայն ձեռնտու է նաեւ Իրանին»,- նշեց քաղաքագետը:

Փորձագետը պարզաբանեց, որ քրդական ուժերը հիմա սպասողական վիճակում են, որից հետո կկարողանան հաշվարկել իրենց քայլերը, եւ այս ամենը տարածաշրջանում Թուրքիայի դիրքերի ամրապնդման ֆոնին, ինչի մասին է վկայում նաեւ Իրաքյան Քուրդիստանի տարածքում Քրդական աշխատավորական կուսակցության երկու կարեւոր անձանց սպանությունը:

Պետրոսյանն ընդգծեց, որ Սոչիում Պուտինի հետ բանակցությունները, ինչպես նաեւ ԱՄՆ իշխանությունների ներկայացուցիչների հետ բանակցությունները հանգեցրել են Անկարայի գործողությունների դեմ քարոզչական ալիքի ոչ մեծ նվազմանը:

«Դրանից բացի, Էրդողանը կփորձի ինչ-որ արդյունքների հասնել նաեւ դիվանագիտական ճանապարհով, իսկ այն, ինչին չի հաջողվի հասնել դիվանագիտությամբ, կկատարվի ռազմական ուժի միջոցով»,- ամփոփեց նա:

Հիշեցնենք, որ հոկտեմբերի 22-ին Ռուսաստանի նախագահ Վլադիմիր Պուտինը Սոչիի իր «Բոչարով ռուչեյ» նստավայրում սիրիական թեմայով բանակցություններ է անցկացրել թուրք գործընկեր Ռեջեփ Թայիփ Էրդողանի հետ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ստամբուլում Նովրուզի տոնակատարությանից հետո ձերբակալվել են բազմաթիվ քուրդ մասնակիցներ
Ոստիկանությունը ձերբակալությունների ժամանակ ուժ է կիրառել նաեւ լրագրողների նկատմամբ...
Իրաքը պատրաստ է աջակցել Քրդական բանվորական կուսակցության դեմ Թուրքիայի ռազմական գործողությանը. ԶԼՄ-ներ
Իրաքի կառավարությունը դեռ պաշտոնապես չի մեկնաբանել հրապարակումը...
Թուրքիայի պաշտպանության նախարարը ժամանել է Իրաքի հետ սահման՝ լայնածավալ գործողության մասին լուրերի ֆոնին
Թուրքիայի զինված ուժերն ակնկալում են լայնածավալ ցամաքային գործողություններ իրականացնել Հյուսիսային...
Անկարան իր սահմանների մոտ գործողություն իրականացնելու համար թույլտվություն չի խնդրի. Թուրքիայի ՊՆ
Թուրքիան թույլտվություն չի խնդրի...
Bloomberg. Ռաիսին և Էրդողանը կքննարկեն Գազայի իրավիճակը և քրդերի նկատմամբ հակազդեցությունը
Էբրահիմ Ռաիսին և նրա թուրք գործընկեր Ռեջեփ Թայիփ Էրդողանը բանակցություններ կվարեն Իսրայելի և ՀԱՄԱՍ-ի...
Թուրքիան սառեցրել է 82 կազմակերպությունների և մարդկանց ակտիվները՝ PKK-ի հետ ենթադրյալ կապերի համար
Մյուս կազմակերպությունները տեղակայված էին Ավստրիայում, Բելգիայում, Դանիայում, Ֆրանսիայում, Շվեդիայում...
Ամենաշատ