News
Լրահոս
News
Ուրբաթ
Նոյեմբեր 15
USD
477.51
EUR
525.36
RUB
7.45
ME-USD
0.06
Տեսնել լրահոսը


ՊԵԿ նախկին նախագահ Գագիկ Խաչատրյանն առողջական խնդիրների պատճառով այսօր չի մասնակցել իր խափանման միջոցի հարցի քննությանը։ Այս մասին այսօր՝ հոկտեմբերի 23–ին Երևանի ընդհանուր իրավասության դատարանի Շենգավիթի նստավայրում լրագրողների հետ զրույցում ասաց Խաչատրյանի պաշտպան Երեմ Սարգսյանը։

«Երբ միջնորդություն ներկայացրինք վարույթն իրականացնող մարմնին, որպեսզի Գագիկ Խաչատրյանին թույլատրեն մոտ 10 օրով մեկնել Գերմանիա և այնտեղ բուժումը շարունակել, քննիչը հետաձգեց միջնորդության քննությունը, մինչև էական հանգամանքների պարզումը, և մինչև օրս միջնորդության վերաբերյալ պատասխան չեն հայտնել»,–ասաց պաշտպանը։

Սարգսյանը նշեց, որ քննիչի կողմից մատնանշված էական հանգամանքները պարզելու համար նշանակվել էր բժշկական կոնսիլիում, որի եզրակացության տրամադրումը ևս ձգձգվել է։

«Առողջապահության նախարարի հրամանով Հայաստանի առաջատար մասնագետների մասնակցությամբ հրավիրվեց կոնսիլիում։ Հետազոտություններն ավարտվեցին, սակայն եզրակացությունը մեկ ամիս չտրվեց. հանկարծ պարզվեց, որ մեկ ամիս անց կոնսիլիումի անդամները չէին կարողացել որոշել, թե ինչ առողջակա խնդիրներ ունի Խաչատրյանը և նոր՝ ավելի ընդլայնված կազմով կոնսիլիում հրավիրվեց։ Ավելի ուշ պարզ դարձավ, որ կոնսիլիումի պատասխանը դեռևս հուլիսի 4–ին էր պատրաստ, սակայն եզրակացությունը չէր տրամադրվում ոչ դատախազներին և ոչ էլ պաշտպանական կողմին»,–ասաց փաստաբանը՝ նկատելով, որ եզրակացության տրամադրումը միտումնավոր է ձգձգվել։

Պաշտպանը տեղեկացրեց, որ բժշկական կոնսիլիումը հետազոտության եզրակացությունը տրամադրել է Գագիկ Խաչատրյանին կալանավորելու որոշումից հետո։

 Պաշտպանական կողմը եզրակացությունն ուղարկել է Գերմանիայի համապատասխան ԲԿ.

«Գերմանական հիվանդանոցում մեկ այլ կոնսիլիում է հրավիրվել արդեն   աշխարհահռչակ բժիշկների մասնակցությամբ, և նրանց կողմից տրվել է եզրակացություն այն մասին, որ իրենք դեռևս ապրիլին էին զգուշացնում, որ եթե Գագիկ Խաչատրյանը չգա և բուժումները չշարունակի, նրան կրկնակի վիրահատության ենթարկելու կարիք կլինի»,–ասաց նա։

Երեմ Սարգսյանի խոսքով՝ Գագիկ Խաչատրյանն ունի ողնուղեղի հետ կապված լուրջ առողջական խնդիր։

Ըստ պաշտպանի՝ պետությունը չի կատարում իր պարտավորությունը անձին պատշաճ բժշկական օգնություն ցուցաբերելու տեսանկյունից։

Երեմ Սարգսյանը նաև կարծիք հայտնեց, որ այս գործում քաղաքական բաղադրիչ  կա։

Նշենք, որ Գագիկ Խաչատրյանը կալանավորվել է օգոստոսի 30–ին Երևանի ընդհանուր իրավասության դատարանի դատավոր Արտուշ Գաբրիելյանի որոշմամբ։ Խաչատրյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (Պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ) եւ 179-րդ հոդվածի 3-րդ մասի 1-ին կետով (առանձնապես խոշոր չափերով վատնում կատարելը) նախատեսված հանցագործությունների կատարման՝ պաշտոնեական դիրքի չարաշահման եւ առանձնապես խոշոր չափերի վատնման համար։

Խաչատրյանին առաջադրված մեղադրանքն առնչվում է  նրա Ֆինանսների նախարար եւ ՊԵԿ նախագահ եղած ժամանակահատվածում կատարված ենթադրյալ հանցանքներին։

Տպել
Կարդացեք նաև
Ամբողջը
Մեկ օրում բացահայտվել է 45 հանցագործություն. ինքնիրավչություն, դրամանենգություն
Անցած 1 օրվա ընթացքում հանրապետությունում արձանագրվել է ճանապարհատրանսպորտային 15 պատահար, ինչի հետեւանքով 18 մարդ ստացել է տարբեր աստիճանի մարմնական վնասվածքներ...
Տուժողի կասկածները չհիմնավորվեցին. Գողը իր նախկին աշխատակիցը չէր
Ոստիկանությունից NEWS.am-ին հայտնում են, որ ձեռնարկված օպերատիվ-հետախուզական միջոցառումներն այլ արդյունք տվին. բացատրական աշխատանքի...
Պաշտոնատար անձանց թողտվությամբ ոսկու հանքավայրը երկար տարիներ շահագործվել է ապօրինաբար. Քրգործ է հարուցվել
Առանց հողատարածքի նպատակային նշանակությունը դրան համապատասխանեցնելու...
Շների վրա կրակողը հայտնաբերվել է
Մալաթիայի քրեական հետախույզների ձեռնարկած միջոցառումների շնորհիվ պարզվել է, որ այդ արարքը...
«Մեկ օրում մեզ ազատել են». ՔԿՀ-ների նախկին աշխատակիցները բողոքում էին կառավարության շենքի առջեւ
ՔԿՀ-ների նախկին աշխատակիցները կառավարության շենքի առջեւ էին վարչապետին տեսնելու հույսով...
Մոսկվայում սպանված Աշոտ Բոլյանը «Կայարանցի Թևոսիկի» եղբոր սպանության գործով առանցքային վկա էր. մանրամասներ (ֆոտո)
NEWS.am–ի տեղեկություններով՝ նախօրեին Մոսկվայում սպանված միջազգային կարգի սպորտի վարպետ, թայ-բոքսի աշխարհի բազմակի չեմպիոն Աշոտ Բոլյանը...