Ադրբեջանում դատարանը 400 ժամվա հարկադիր աշխատանքի է դատապարտել մուբարիզ իբրահիմովի «հերսության» դեմ ոտնձգած աղջկան։ Բողոքը ներկայացրել է «հերոսի» մայրը՝ Շամամ Իբրահիմովան։ Մեղադրական կողմը պահանջել է աղջկան դատապարտել 3 տարվա ազատազրկման։
Դատավարության առիթ է հանդիսացել Նարմին Շահմարզադեի համարձակ եւ մարդասիրական գրառումը facebook-ում։ «Մի անգամ ընկերներիցս մեկը որպես իսկական ադրբեջանցի տղամարդու օրինակ նշեց Մուբարիզ Իբրահիմովին, բայց ես համաձայն չեմ։ Հերոսություն անվանել մարդու սպանությունը մարտում՝ հայրենիքը եւ ինքն իրեն պաշտպանելիս, դեռ էլի մի կերպ կարելի է։ Եթե հանուն այն բանի, որպեսզի ինչ-որ արժեքավոր բան պահելու համար հրաժարվես մեկ այլ արժեքից, գուցե հնարավոր է անվանել հերոսություն։
Բայց առանց հայրենիքը, հարազատներիդ ու կյանքդ կորցնելու սպառնալիքի, ոչ մարտադաշտում որեւէ մեկին սպանելը պարզապես դաժանություն է։ Գուցե անգամ նրա սպանած հայ զինվորը ծնվել էր այս բոլոր իրադարձություններից հետո ու ոչ մի բանում մեղավոր չէր, այլ կանգնած սահմանին ու վախից դողալով՝ տուն գնալու օրերն էր հաշվում։ Գուցե նա երազում տեսնում էր, թե ինչպես է միանում ընտանիքին, բայց ինչ-որ մեկը նրան սպանում է։ Եթե Մուբարիզը ողջ վերադառնար, քրեական գործ կհարուցվեր։ Ամենայն հավանականությամբ։ Չէ՞ որ նա առանց հրամանի էր հատել սահմանը։ Իրականում մարդը, որին հերոս են անվանում, քաղաքական խնդիր է ստեղծել պետության համար»,- ասվում է օգտատեր Շահմարզադեի գրառման մեջ։