News
Լրահոս
News
Երեքշաբթի
Մարտ 19
Տեսնել լրահոսը


Օրերս Մոսկվայում տեղի ունեցավ ԱՊՀ անդամ պետությունների ներքին գործերի նախարարների խորհրդին կից գիտական խորհրդատվական խորհրդի հերթական նիստը:

Ոստիկանությունից NEWS.am-ին հայտնում են, որ բացման խոսքով հանդես եկավ Գիտական խորհրդատվական խորհրդի նախագահ Վալերի Կոժոկարը։ Նա նշեց, որ հանցավոր արարքների նոր մեթոդների եւ ձեւերի ի հայտ գալը ժամանակակից աշխարհում որակապես վերափոխում է հանցավոր միջավայրը: Այս փոփոխությունների պայմաններում ներքին գործերի մարմինները ավելի հաճախ են սկսել իրենց աշխատանքի մեջ առնչվել կազմակերպված հանցավորության աճող դիմադրության հետ, որը դրսեւորվում է տարբեր ձեւերով:

Քննարկվեց համագործակցության արդյունավետությունը ԱՊՀ անդամ պետությունների միջեւ՝ միջազգային ահաբեկչության, անդրազգային հանցավորության, մարդկանց առեւտրի, զենք-զինամթերքի, թմրամիջոցների ապօրինի շրջանառության եւ ապօրինի միգրացիայի դեմ պայքարի ոլորտում:

Ըստ բանախոսների՝ տեղեկատվական տեխնոլոգիաների ոլորտում կատարվող հանցագործությունների պես նոր սպառնալիքի ի հայտ գալը պահանջում է ԱՊՀ մասնակից պետությունների ՆԳ մարմինների հատուկ ուշադրությունը:

Ինտերնետ համաշխարհային ցանցի միջոցով կատարվում են խարդախություններ բանկային ոլորտում, հանցավոր նպատակներով օգտագործվում է կրիպտոտարադրամը, իրականացվում է թմրամիջոցների եւ հոգեմետ նյութերի, զենքի տարածում, անչափահասների ներգրավում ծայրահեղական եւ ահաբեկչական ուղղվածություն ունեցող դեստրուկտիվ խմբերում, որոնք էլ նրանց ինքնասպանության են հասցնում:

Այս առումով առանձնահատուկ կարեւորվեց հանցավորության դեմ պայքարի ոլորտում ԱՊՀ մասնակից պետությունների ՆԳ մարմինների համատեղ գործողությունների իրականացումը, նաեւ՝ այդ աշխատանքների արտացոլումը գիտական գրականության մեջ:

Նիստի ավարտին ՌԴ ՆԳ նախարարի որոշմամբ գիտական խորհրդատվական խորհրդի անդամները պարգեւատրվեցին հուշանվերներով:

Տպել
Կարդացեք նաև
Ամբողջը
ԱՊՀ երկրների կառավարությունների ղեկավարների խորհրդի նիստը տեղի կունենա մայիսի 24-ին Աշգաբադում
ԱՊՀ երկրների կառավարությունների ղեկավարների խորհրդի անդամները կքննարկեն խորհրդի արտահերթ նիստի օրակարգը...
Բելառուսի Պետական անվտանգության կոմիտեի ղեկավարը մեղադրել է Արևմուտքին ՌԴ տարածքում ահաբեկչություններ կազմակերպելու մեջ
«Բելառուսի տարածքն առանցքային նշանակություն ունի եվրասիական տարածաշրջանում գերակայության համար ապագա դիմակայությունում»․․․
Պուտինը հայտարարել է ԱՊՀ երկրների հետ համագործակցության առաջնահերթության մասին
Նրա խոսքով, ռուսական դիվանագիտությունը միտված է շարունակել զգալի ներդրում ունենալ պետության դինամիկ զարգացման համար արտաքին բարենպաստ պայմանների ստեղծման...
«Ադրբեջանի ղեկավարությունը ձգտում է խաղաղությունը հուսալի դարձնել». ԱՊՀ գլխավոր քարտուղարի տարօրինակ հայտարարությունը
«Ալիևը հաղթանակը կարող է նպաստել ջանքերի ակտիվացմանը»․․․
ԱՊՀ գծով գործընկերները շահագրգռված են Հարավային Կովկասում խաղաղության լիակատար վերականգնմամբ. Սերգեյ Լեբեդեւ
Մենք հետաքրքրված ենք Հարավային Կովկասում խաղաղության լիակատար վերականգնմամբ...
Ronesans թուրքական շինարարական հոլդինգը դադարեցրել է գործունեությունը Ռուսաստանում
Երկու տարում հոլդինգը վաճառել է իր տարածաշրջանային բիզնեսը...
Ամենաշատ