Օգոստոսի 10-ին ոստիկանության Մալաթիայի բաժնում մի կին հաղորդում էր տվել, որ Նորագյուղի իր տնից կատարվել է գողություն: Օգտվելով պատուհանը բաց լինելու հանգամանքից՝ գողացել էին 20 հազար ռուբլի, 150 հազար դրամ եւ ոսկյա զարդեր:
Ոստիկանությունից NEWS.am-ին հայտնում են, որ սեպտեմբերի 13-ին մեկ այլ կին նույն բաժնում հաղորդում էր տվել, որ ցերեկը տեխնիկական միջոցների գործադրմամբ պատուհանը բացել ու իր տնից գողացել են ոսկյա եւ արծաթյա զարդեր:
Ոստիկանության Երեւան քաղաքի վարչության, Նոր Նորքի եւ Մալաթիայի բաժինների քրեական հետախույզների եւ Նոր Նորքի քննչական բաժնի ծառայողների համատեղ միջոցառումների շնորհիվ հոկտեմբերի 22-ին պարզվել է, որ երկու գողությունն էլ կատարել է Ջերմուկի բնակիչ 44-ամյա մի տղամարդ:
Տղամարդը կալանավորված է: Քննությունը վարում է Նոր Նորքի քննչական բաժինը: