News
Լրահոս
News
Երեքշաբթի
Նոյեմբեր 12
USD
477.22
EUR
526.33
RUB
7.47
ME-USD
0.05
Տեսնել լրահոսը


Ես լավ ակնկալիք չունեմ, բայց մի բան եմ խնդրում՝ թող արդար դատեն, ժողովրդավարական երկիր են դարձրել, թավշյա հեղափոխություն են արել, թող դրա տակ ապօրինի գործողություններ չանեն։ Այս մասին այսօր՝ հոկտեմբերի 23-ին, լրագրողների հետ զրույցում ասաց Սարգիս Օհանջանյանի մայրը։

«Ես ոչ նախկինների դեմ եմ, ոչ ներկա իշխանությունների դեմ, նրանց դեմ ոչինչ չունեմ, ես խնդրում եմ՝ իրենք ճիշտ կատարեն իրենց աշխատանքը եւ ցույց տան, որ մեր երկիրը օրենքի երկիր է»,-նշեց նա։

Սարգիս Օհանջանյանի մայրը նշեց, որ մեկ անգամ տեսակցել է տղային․ «Տղաս ասեց ամեն ինչ նորմալ է, պետք չէ անհանգստանալ»։

Նա վստահ է՝ իր տղան որեւէ հանցանք չի գործել․ «Ես կարծում եմ, որ իմ տղան եւ Նարեկը որեւէ հանցանք չեն գործել, ուղղակի մոտեցել, հարց են տվել»։

Նարեկ Մութաֆյանի քույրը՝ Անահիտ Մութաֆյանը լավ ակնկալիքներ չունի դատարանից․

«Չեմ ուզում վատատես լինել, սակայն այս աբսուրդային իրավիճակում որեւէ նորմալ որոշման չեմ սպասում։ Գուցե այս դատավորները հարգեն իրենց պատմուճանները, հարգեն ՀՀ օրենքները, կարողանան ճիշտ որոշում կայացնել, սպասում եմ, որ այս 2 դատավորները կհարգեն իրենց որպես մարդ, թույլ չեն տա, որ իրենց համարեն Նիկոլ Փաշինյանը համարի վնգստացող դատավորներ։ Ես կառավարությանը եւ առընթեր մարմիններին սթափության կոչ եմ անում, այս կամայականությունները, ռեպրեսիաները, քաղաքական հետապնդումները «թարս աճած վարունգի» էֆեկտ են տալու, մի օր էլ նրանք են այս վիճակում հայտնվելու, ոչ մեկի իշխանությունը հավերժ չէ»։

Նրա խոսքով՝ Նարեկ Մութաֆյանը իր քաղաքական ակտիվության առաջին իսկ օրվանից սպասում էր այս ամենին։

Անահիտ Մութաֆյանը նշեց, որ տեսակցել է եղբորը․ «Նարեկը շնորհակալություն էր հայտնում Նիկոլ Փաշինյանին 1-ամսյա հանգստի համար»։

Նարեկ Մութաֆյանը կալանավորվել է սեպտեմբերի 29-ին Երեւանի ընդհանուր իրավասության դատարանի դատավոր Արտուշ Գաբրիելյանի որոշմամբ։ Հիշեցնենք, որ սեպտեմբերի 27-ի ուշ երեկոյան դատավոր Աննա Դանիբեկյանն, ով քննում է Ռոբերտ Քոչարյանի եւ մյուսների վերաբերյալ քրեական գործը, ոտքով գնալիս է եղել Շենգավիթի դատարան, երբ նրան են մոտեցել Նարեկ Մութաֆյանը եւ Սարգիս Օհանջանյանը: Մութաֆյանը, ֆեյսբուքում ուղիղ եթերով հեռարձակում միացնելով, դատավոր Դանիբեկյանին պարբերաբար հարցրել է, թե արդյոք նա կա՞ «վնգստացող դատավորների ցանկում»:

Տեղի ունեցածից հետո հանցագործության մասին հաղորդում է ներկայացվել եւ հարուցվել քրեական գործ, որով մեղադրյալ են ներգրավվել Նարեկ Մութաֆյանն ու Սարգիս Օհանջանյանը: Վերջիններս մեղադրվում են արդարադատության իրականացմանը խոչընդոտելու նպատակով դատարանի գործունեությանը միջամտելու մեջ:

Այսօր նրանց պաշտպանը կալանավորման որոշումը բողոքարկել է, դատարանը որոշումը կհրապարակի այսօր։

Տպել
Կարդացեք նաև
Ամբողջը
Եվրոպական դատարանին ներկայացվել է Ռոբերտ Քոչարյանի պաշտպանական թիմի դիրքորոշումները
NEWS.am-ի զրուցակիցն է GPARTNERS իրավաբանական գրասենյակի իրավաբան Սարգիս Գրիգորյանը...
РЕНTV. Քոչարյանը կմնա կալանքի մեջ. Դատավորների վրա ճնշում է գործադրվում
Ռուսական РЕНTVհեռուստաալիքն անդրադարձել է Հայաստանի երկրորդ նախագահ Ռոբերտ Քոչարյանի գործի թեմային…
Ստորագրահավաք` ի աջակցություն Քոչարյանի Գորիսում
Շարժումը ստորագրահավաքի գործընթացը սկսել է հոկտեմբերի 26-ին…
«Չի կարելի այդքան արհամարհված թողնել, թե ինչ է կատարվում երկրում». Ստորագրահավաք` ի աջակցություն Քոչարյանի Կապանում
Այսօր Ռոբերտ Քոչարյանը քաղբանտրակյալ է, եւ դա Նիկոլ Փաշինյանի եւ իր թիմի…
Դատավորն առաջնորդվում է երկակի ստանդարտներով. Ռոբերտ Քոչարյանի փաստաբան
Դատարանները կիրառում են եվրոպական պրակտիկան՝ չնայած նրան, որ այն հակասում է հայրենական օրենսդրությանը...
Ռոբերտ Քոչարյանի տեսակցությունների սահմանափակումները հիմնավորված չեն. փաստաբան
Ռոբերտ Քոչարյանին արգելված են տեսակցությունները որդու՝ Սեդրակի հետ...
Ֆոտոռեպորտաժներ