Վերջին 10 ամիսներին կիբեռլրտեսություն իրականացնող համակարգված ընկերության թիրախը ՄԱԿ գործակալությունները, Կարմիր խաչի միջազգային կազմակերպությունը եւ այլ ՀԿ-ներ են եղել, հայտնում է AP-ը։

Կիբեռանվտանգության Lookout ընկերության Կալիֆոռնիայի ստորաբաժանումը հայտարարել է, որ բջջային հեռախոսներից եւ համակարգիչներից գաղտնաբառերը հավաքագրելու համար ֆիշինգ օգտագործող գործառույթը դեռեւս ակտիվ է։

Թիրախների թվում են ՅՈՒՆԻՍԵՖ-ը, ՄԱԿ-ի Պարենի համաշխարհային ծրագիրը, ՄԱԿ-ի զարգացման ծրագիրը եւ Կարմիր խաչի ու Կարմիր մահիկի միությունների միջազգային ֆեդերացիան։

Lookout-ն ասում է, որ մտքի կենտրոնները, ներառյալ Միացյալ Նահանգների խաղաղության ինստիտուտը, Ժառանգության հիմնադրամը եւ Արեւելք-Արեւմուտք կենտրոնը նույնպես թիրախավորված են եղել։