Նոր Նորքի նորաբաց «Մեգամոլ Արմենիա» առեւտրի կենտրոնում այսօր՝ հոկտեմբերի 25–ին պաշտոնապես բացվեց Ucom ընկերության վաճառքի եւ սպասարկման նոր կենտրոնը, որն այդ թաղամասում տարիներ շարունակ գործող մասնաճյուղից կրկնակի անգամ մեծ է եւ ընդարձակ։
Այն սմարթֆոնների, աքսեսուարների եւ գաջեթների ամենամեծ տեսականիով Ucom–ի սպասարկման կենտրոնն է։
Բացման արարողությանը ներկա էին Նոր Նորքի համայնքի Ucom–ի ֆիքսված եւ շարժական ծառայություններից օգտվող առաջին 10 հավատարիմ բաժանորդները, որոնք արժեքավոր նվերներ ստացան Ucom ընկերությունից՝ xiaomi MiA3 սմարթֆոններ ու անլար ականջակալներ (AirDots), ինչպես նաեւ UcomPremier Black քարտեր, որոնք մի շարք առավելություններ են տալիս Ucom–ի բաժանորդներին։
«Տեխնոլոգիական նորույթները գնահատողներին առաջարկում ենք ուսումնասիրել այս սպասարկման կենտրոնում հատուկ առանձնացված Smart Home–ը՝ «Խելացի տուն» զոնան։ Այստեղ ներկայացված են տան համար այնպիսի խելացի լուծումներ, ինչպիսիք են ջերմաստիճանի եւ խոնավության կարգավորման տվիչները (սենսորները), անվտանգության տեսախցիկները, LED լամպերը եւ այլն։ Առաջին անգամ հենց այս սրահում ենք մեկնարկում սմարթ հեռուստացույցների վաճառքը»,–ասաց Ucom ընկերության համահիմնադիր եւ գլխավոր տնօրեն Հայկ Եսայանը:
Նշենք, որ Ucom–ի նորաբաց մասնաճյուղում է ներկայացված նորարարական սարքավորումների ամենամեծ տեսականին, այդ թվում էլեկտրական հեծանիվն ու ինքնագնացները, ռոբոտը, դրոնները, օգտատերերին վիրտուալ իրականություն տեղափոխող սարքերը։
Հաճախորդների մեծ հոսքի պարագայում սպասարկումն ավելի արագ իրականացնելու համար նորաբաց մասնաճյուղում ավելացվել են սպասարկման սեղանները:
Ucom–ի պաշտոնական գործընկեր Apple-ի արտադրանքը նախընտրողներն անմիջապես կնկատեն iPhone–ների եւ Apple աքսեսուարների համար առանձնացված հատվածը։ Հաճախորդների հարմարավետության համար ստեղծվել են բոլոր պայմանները սպասելու հատվածում ի լրումն սմարթֆոնների լարով լիցքավորման հնարավորությանը կա նաեւ անլար լիցքավորման հնարավորություն։
