Կատալոնիայի քաղաքների մեծ մասի քաղաքապետերը Իսպանիայի իշխանություններին կոչ են արել տարածաշրջանին սեփական ապագան որոշելու իրավունք տրամադրել, տեղեկացնում է Reuters-ը։

Կատալոնիայի 814 քաղաքների քաղաքապետերը հավաքվել են տարածաշրջանային կառավարության գլխավոր գրասենյակում. նրանց առաջնորդ Կուիմ Տորան պաշտոնական ուղերձ է ներկայացրել մի շարք կոչերով։ Մասնավորապես, փաստաթղթում ասվում է քաղբանտարկյալների ազատ արձակման, երկխոսության անցկացման եւ ինքնորոշման իրավունքի տրամադրման անհրաժեշտության մասին։

Փաստաթուղթը մեջբերվել է քաղաքացիների ներկայությամբ, որոնք հավաքվել են Բարսելոնայում բողոքի քայլերթին։

Կատալոնիայի մայրաքաղաքը երկրորդ շաբաթն է՝ ցնցվում է բողոքի ակցիաներից ինը քաղաքական գործիչներին եւ ակտիվիստներին բանտարկելուց հետո, որոնք հսկայական դեր են խաղացել 2017 թվականին տարածաշրջանի անկախություն ստանալու փորձում, ինչը Իսպանիայի դատարանն անօրինական է համարել։