Կրեմլը ենթադրում է, որ կարելի է խոսել միջազգային ահաբեկչության դեմ պայքարում ԱՄՆ նախագահ Դոնալդ Թրամփի լուրջ ներդրման մասին, եթե հաստատեն ամերիկացիների կողմից «Իսլամական պետություն» ահաբեկչական խմբավորման ղեկավար Աբու Բաքրա Ալ Բաղդադիի վնասազերծման մասին տվյալները, հայտնում է ՏԱՍՍ-ը։
ՌԴ նախագահի մամուլի քարտուղար Դմիտրի Պեսկովը երկուշաբթի օրը լրագրողներին ասել է, որ «եթե իրոք հաստատվի Ալ Բաղդադիի ոչնչացման մասին տեղեկատվությունը, ապա, ընդհանուր առմամբ, կարելի է խոսել միջազգային ահաբեկչության դեմ պայքարում Միացյալ Նահանգների նախագահի լուրջ ներդրման մասին։ Կրեմլի ներկայացուցիչը հավաստիացրել է, որ նորությունն ինքնին չի կարող ռուսական իշխանությունների մոտ բացասական արձագանք առաջացնել։
Հոկտեմբերի 27-ին ԱՄՆ նախագահ Դոնալդ Թրամփը հայտարարել էր Իդլիբում հատուկ գործողության արդյունքում Աբու Բաքրա Ալ Բաղդադիի վնասազերծման մասին։ Թրամփը համագործակցության համար շնորհակալություն էր հայտնել Ռուսաստանին, Իրաքին, Սիրիային եւ թուրքիային։ ՌԴ ՊՆ-ում հայտնել էին, որ նման տեղեկատվության չեն տիրապետում։
