ԱՄՆ նախագահ Դոնալդ Թրամփը հայտարարել է «Իսլամական պետություն» ահաբեկչական խմբավորման սպանված առաջնորդ Աբու Բաքր ալ-Բաղդադիի հնարավոր ժառանգորդի ոչնչացման մասին: Ալ-Բաղդադին սպանվել էր կիրակի ԱՄՆ-ի հատուկ գործողությունների ընթացքում:
«Հենց նոր հաստատեցին, որ Աբու Բաքր ալ-Բաղդադիի տեղին հավակնող համար մեկ թեկնածուն սպանվել է ամերիկացի զինվորականների կողմից: Ամենայն հավանականությամբ, նա կզբաղեցներ ալ-Բաղդադիի տեղը: Այժմ նա սպանված է»,- Twitter-ում գրել է Թրամփը:
Թրամփը չի հստակեցրել՝ ում նկատի ունի, սակայն երեկ ԱՄՆ-ը հաստատել է խմբավորման ներկայացուցիչ եւ ջիհադիստների շրջանում բարձրաստիճան պաշտոնյա Աբու ալ-Հասան ալ-Մուհաջիրը, հաղորդում է Reuters-ը: