NASA-ի եւ Եվրոպական տիեզերական գործակալության աստղագետները հրապարակել են «տիեզերական ուրվականի» լուսանկարը։ Այդպիսի տեսք ունի երկու գալակտիկաների բախումը, որոնք Երկրից 700 մլն լուային տարվա հեռավորությամբ են տեղակայված, հայտնում է BBC-ն։
Լուսանկարն արվել է դեռեւս հունիսի 19-ին՝ «Հաբլ» աստղադիտակով, տեսանելի միջակայքում, սակայն դրա հրապարակումը գիտնականները նախատեսել էին աշնանը։ Հոկտեմբերի 31-ին աշխարհի շատ երկրներում նշվում է Հելոուինը, որի տոնակատարությունները ավանդաբար ուղեկցվում են տարբեր տեսակի ոգիների պատկերներով։