ԱՄՆ Ներկայացուցիչների պալատի անդամ Իլհան Օմարը Մինեսոթայի հայ համայնքի կողմից ենթարկվում է քննադատության այն պատճառով, որ չի աջակցել Օսմանյան կայսրությունում հայերի ցեղասպանության զանգվածային սպանությունները ճանաչող բանաձեւին, տեղեկացնում է AP-ը։

Օմարը երեք օրենսդիրներից մեկն էր, որը ձեռնպահ է մնացել քվեարկության ժամանակ։

Նրա խոսքով՝ մարդու իրավունքների խախտումների եւ հատկապես էթնիկ զտումների ու ցեղասպանության պատասխանատվությունը առաջնահերթ նշանակություն ունի, բայց ցեղասպանության պատասխանատվությունը եւ ճանաչումը չպետք է օգտագործվեն որպես զենք քաղաքական պայքարում։

Հիշեցնենք, որ ԱՄՆ Ներկայացուցիչների պալատը ընդունեց բանաձեւ Հայոց ցեղասպանության ճանաչման մասին հոկտեմբերի 29-ի քվեարկությամբ։ 

Քվեարկության արդյունքում 405 կոնգրեսական աջակցեց բանաձեւին, եւ ընդամենը 11 օրենսդիր դեմ արտահայտվեց։