2020-ին ԵՄ-ի կողմից Հայաստանին տրամադրվելիք դրամաշնորհների ծավալը ոչ միայն չի նվազել, այլ նաեւ աճել է 2 անգամ: Այս մասին նոյեմբերի 1-ին ԱԺ մշտական հանձնաժողովների համատեղ նիստին 2020-ի պետբյուջեի նախագծի նախնական քննարկման ժամանակ հայտարարեց ՀՀ ֆինանսների նախարար Ատոմ Ջանջուղազյանը:
Նա նշեց, որ ռազմավարությունը պետք է աստիճանաբար փոխվի, եւ Հայաստանը դրամաշնորհներ ստացող երկրից պետք է վերածվի երրորդ երկրներին ֆինանսական աջակցություն տրամադրող երկրի:
«Մենք ակտիվորեն աշխատում ենք մեր պոտենցիալի մեծացման ուղղությամբ»,- ընդգծեց Ջանջուղազյանը:
Հիշեցնենք, որ ԵՄ-ը պատրաստակամություն է հայտնել 2020-ին Հայաստանին 78,8 մլրդ դրամի դրամաշնորհներ եւ ֆինանսական օգնություն տրամադրել:
