Խնայողությունների համաշխարհային օրվա ուղերձը ոչ միայն գումար խնայելն է՝ ապագայի հետ կապված ծրագրերն իրականացնելու համար, այլև խնայողությունը բառի լայն իմաստով՝ ժամանակի, ուժերի, ռեսուրսների:
Հոկտեմբերի 31-ին Հայբիզնեսբանկը մասնակցեց Հայաստանի բանկերի միությունում՝ Խնայողությունների համաշխարհային օրվա կապակցությամբ տեղի ունեցած «Ֆինանսական գրագիտություն և հմտություններ» խորագրով հանրային միջոցառումների ծրագրի շրջանակներում կազմակերպված մրցանակաբաշխությանը: Նախապես հայտարարված «Ապագայի բանկն՝ իմ պատկերացմամբ» խորագրով դպրոցականների շարադրությունների և տեսահոլովակների, ինչպես նաև «Բիզնես-պլանի կազմում» թեմայով ուսանողական մրցույթների մասնակիցների աշխատանքներն ուսումնասիրել և ամփոոփել էր գնահատող հանձնաժողովը, որը կազմված էր Հայաստանի բանկերի միության, առևտրային բանկերի և Ավանդների հատուցումը երաշխավորող հիմնադրամի ներկայացուցիչներից:
Հայաստանի բանկերի միության նախագահ Սեյրան Սարգսյանը, ողջունելով ներկաներին, կարևորեց օրվան ընդառաջ՝ հանրության ֆինանսական գրագիտության բարձրացմանն ուղղված նախաձեռնությունները: Հայաստանի բանկերի միության կողմից մրցանակներ հանձնվեցին մրցույթի հաղթողներին:
Հայբիզնեսբանկի անհատական մրցանակին արժանացան երկու ուսանող: ԵՊՀ Տնտեսագիտության և կառավարման ֆակուլտետի մագիստրատուրայի 2-րդ կուրսի ուսանող Հրաչյա Զաքարյանի աշխատանքը տարբեր գործառույթներ իրականացնող միկրոսխեմաների, ինչպես նաև տարբեր փոքր սարքավորումների տեղական արտադրության և սպառման վերաբերյալ էր, իսկ Հայաստանի ազգային պոլիտեխնիկական համալսարանի Գյումրու մասնաճյուղի 4-րդ կուրսի ուսանող Գևորգ Խաչատրյանի Բիզնես պլանը՝ լաստիկային հյուսվածքով պաստառների արտադրության:
Միջոցառման շրջանկներում ինֆոգրաֆիկ աշխատանքների՝ «Խնայում եմ հանուն…» թեմայով մրցույթի հաղթողին մրցանակ շնորհեց նաև Ավանդների հատուցումը երաշխավորող հիմնադրամի տնօրեն Հերմինե Հարությունյանը:
Հայաստանում Խնայողությունների միջազգային օրը նշվում է արդեն յոթերորդ տարին: Մեր երկրի բնակչության համար խնայողությունների պահպանման կայուն միջոց են համարվում բանկային ավանդները:
Հայբիզնեսբանկն այսօր հաճախորդին է ներկայանում որպես ՀՀ բանկային համակարգի առաջատարներից մեկը և հատկանշական է, որ ավանդային պորտֆելի ծավալով շուկայում զբաղեցնում է առաջին տեղը: Խնայում ենք ինչպես հանուն նոր սերնդի, այնպես էլ հանուն մեր մոլորակի ապագայի: