Լիտվայի հետ սահմանին գտնվող ամերիկյան տանկերին պետք է ասիմետրիկ արձագանքել։ Այս մասին «ՀԱՊԿ դերը տարածաշրջանային անվտանգության ապահովման գործում» կլոր սեղանի ընթացքում նոյեմբերի 4-ին ասաց Հայաստանում Բելառուսի արտակարգ եւ լիազոր դեսպան Իգոր Նազարուկը։

«Հասկանալի է, որ տանկերը եւ զրահամեքենաները Լիտվայի հետ սահմանին հայտնվել են ոչ նրա համար, որ անտառում հետազոտություններ կատարեն, եւ նրանց նպատակը շատ հասկանալի է»,- նշել է նա՝ ավելացնելով, որ ՀԱՊԿ-ը կարող է ապահովել անվտանգության համալիր հարցերի լուծումը, այդ թվում սպառնալիքներին օպերատիվ արձագանքումը։

Դեսպանը նշեց, որ  կազմակերպությունը դասական ռազմաքաղաքական դաշինքից վերածվել է բազմաֆունկցիոնալ տարածաշրջանային կառույցի, եւ Բելառուսը հանդես է գալիս կազմակերպության հետագա ամրապնդման օգտին։

Հիշեցնենք, որ սեպտեմբերին Լիտվայի պաշտպանության նախարարությունը տեղեկացրել էր Բելառուսի հետ սահմանին ԱՄՆ բանակի տանկային գումարտակի տեղակայման մասին, դրանում կան 30 «Աբրամս» տանկեր, հետեւակի 25 «Բրեդլի» մարտական մեքենաներ եւ այլ տեխնիկա։