News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Առցանց ոլորտում ազատության մակարդակով 2019 թվականին Հայաստանը Եվրասիայի առաջատարն է ճանաչվել: Այս մասին է վկայում Freedom House իրավապաշտպան կազմակերպության Freedom on the Net 2019 զեկույցը:

«Ամերիկայի ձայնի» փոխանցմամբ, համաշխարհային մակարդակով Հայաստանն առցանց ազատության ոլորտում զբաղեցրել է 8-րդ տեղը, Միացյալ Նահանգներից հետո, Ֆրանսիայից առաջ: Հայաստանի Հանրապետությունը առցանց ոլորտի ազատության մակարդակով առաջ է անցել ոչ միայն բոլոր հարեւաններից այլեւ առցանց ոլորտի առաջատար Ճապոնիայից եւ Հարավային Կորեայից:

Առցանց ազատության հիմնական չափանիշները երեքն են. առցանց մուտքի իրավունքի սահմանափակումներ, առցանց բովանդակության սահմանափակումներ եւ անցանց իրավունքների խախտում, այդ թվում՝ հսկողություն անձանց առցանց գործունեության վերաբերյալ կամ այդ գործունեության հետեւանքով քրեական եւ այլ հետապնդում:

2019 թվականի զեկույցը վերնագրված է «Սոցիալական մեդիայի ճգնաժամ», քանի որ, ըստ զեկույցի հեղինակների, աշխարհով մեկ կառավարությունները մեծացող հաճախականությամբ են օգտագործում սոցցանցերի ընձեռված հնարավորությունները սեփական կամ այլ երկրների քաղաքացիների շրջանում կեղծ լրատվություն տարածելու, ընտրություններ կեղծելու եւ մարդկանց հետեւելու նպատակով: Արդյունքում, գլոբալ առցանց ազատությունն արդեն 9-րդ տարին անընդմեջ անկում է ապրում:

Ավելին, առցանց հնարավորություններից ակտիվորեն սկսել են օգտվել հենց բռնատիրական երկրների առաջնորդները, ովքեր վճարովի թրոլների բանակներ են վարձում՝ փորձելով ազդել այլ երկրների ներքին իրավիճակի եւ ընրտությունների վրա: «Վերջիններս բացահայտել են, որ սոցցանցերում քարոզչությունն ավելի արդյունավետ է, քան գրաքննությունը», - նշում է Freedom House-ի նախագահ Մայք Աբրամովիցը:

Զեկույցի համաձայն, այսօր ինտերնետից օգտվող 3.8 միլիարդ մարդկանց 89 տոկոսի նկատմամբ իրենց սեփական կամ որեւէ այլ երկրի կառավարության կողմից հսկողություն է սահմանված առցանց ոլորտում: Մարդկանց 65 տոկոսը բնակվում է երկրներում, որտեղ քաղաքացիները բռնության են ենթարկվում կամ նույնիսկ սպանվում են իրենց առցանց գործունեության համար, մինչդեռ շուրջ 46 տոկոս համացանցի օգտատերերի կառավարությունները տարբեր, հիմնականում քաղաքական պատճառներով որոշ ժամկետով անջատել են ինտերնետը կամ բջջային ցանցերը:

2019-ին ինտերնետից օգտվող բնակչության միայն 24 տոկոսն է գտնվում ազատ ինտերնետ ունեցող երկրներում: Առցանց ազատության ոլորտում լավագույնն է իրավիճակը Իսլանդիայում, Էստոնիայում եւ Կանադայում: Առավել անազատ ինտերնետ ունեցող երկրներն են Սիրիան, Իրանը եւ Չինաստանը: Վրաստանը, որը զիջում է Հայաստանին մեկ կետով, ազատ ինտերնետ ունեցող երկիր է, Ադրբեջանը, Թուրքիան եւ Ռուսաստանը, աշխարհի երկրների երրորդ քառյակում են՝ անազատ:

Հայաստանը, Արգենտիանի, Կանադայի, Էստոնիայի եւ Իսլանդիայի հետ մեկտեղ հայտնվել է աշխարհի 5 եզակի երկրների ցուցակում, որոնց կառավարությունները որեւէ քայլ չեն ձեռնարկել առցանց ոլորտը սահմանափակելու ուղղությամբ: Նախկինում, բացառությամբ 2017-ը, Հայաստանը նույնպես ճանաչվել էր առցանց ոլորտում ազատ երկիր, սակայն, աշխարհում համացանցի ազատության դասակարգման մեջ 8-րդ տեղը զբաղեցնում է առաջին անգամ:

!
Այս նյութը հասանելի է նաև   English
Տպել
Կարդացեք նաև
Ամբողջը
Whatsapp-ում հինգ նոր գործառույթ կհայտնվի
Շուտով մեսենջերում մուլտիպլիկացիոն ստիկերների մի քանի հավաքածու կհայտնվի՝ շփումն «ավելի զվարճալի եւ արտահայտիչ» դարձնելու համար․․․
Samsung-ը պատահաբար ցույց է տվել նոր ֆլագմանային սմարթֆոնը
Samsung ընկերությունը կայքի ռուսերեն տարբերակում տեղադրել է Galaxy S 20 ֆլագմանային շարքի դեռեւս չներկայացված սմարթֆոնի լուսանկարները…
Բողոքի ցույցերի պատճառով Twitter-ը հրաժարվել է «սեւ ցուցակ» եւ «ստրուկ» տերմիններից
«Twitter-ում լեզուն, որը մենք օգտագործել են մեր կոդերում, չի արտացոլում մեր ընկերության արժեքները եւ չի ներկայացնում ​​մարդկանց, ում համար մենք աշխատում են․․․
Կորոնավիրուսի համավարակը չի հանգեցնի ՀՀ-ում էներգաարդյունավետության բարձրացման ծրագրերի դադարեցմանը
Էներգաարդյունավետության բարձրացման ծրագրերն ինքնին նպաստում են Հայաստանի տնտեսության վերականգնմանը…
Եթե ես ունենայի վետո դնելու իրավունք, ապա կդնեի, եթե ունենայի իրավունք՝ օրենքը հետ ուղարկելու ԱԺ՝ կանեի․ Արմեն Սարգսյան
Քննարկվել են համավարակային իրավիճակի ազդեցությունը եւ հետեւանքները ՏՏ ոլորտի վրա, ներկա խնդիրները եւ ապագայի հնարավոր դժվարություններն, ինչպես նաեւ այդ խնդիրների լուծմանն աջակցելու՝ նախագահական ինստիտուտի հնարավորությունները…
Հայաստանում մեկնարկում է էներգախնայողության մակարդակի բարձրացման պիլոտային ծրագիրը
«Մենք փնտրում ենք լուծումներ, որոնք տնտեսապես հիմնավորված կլինեն եւ հասանելի բնակչությանը...
Ամենաշատ