Երեւանում շարունակվել է Ռոբերտ Քոչարյանի եւ մյուսների դատավարությունը։
Նախկին նախագահի կողմնակիցները նրան ծափողջույններով են դիմավորել, ինչից հետո տեղի է ունեցել բանավեճ նախկին նախագահի կողմնակիցների եւ հակառակորդների միջեւ։ Դատական կարգադիրչները ստիպված են եղել միջամտել՝ կարգը հաստատելու համար եւ դահլիճից դուրս են հրավիրել մեկական ներկայացուցչուհի Քոչարյանի կողմնակիցների եւ հակառակորդների միջից։
Նախկին նախագահը վիրաբուժական միջամտությունից հետո է ներկա դատարանում։ Դահլիճում են նաեւ պաշտպանության նախկին նախարար Սեյրան Օհանյանը, որը դատարանի թույլտվությամբ մեկնել էր Գերմանիա բուժվելու, ՀԱՊԿ նախկին գլխավոր քարտուղար Յուրի Խաչատուրովը։