News
Լրահոս
News
Հինգշաբթի
Դեկտեմբեր 05
USD
477.94
EUR
530.13
RUB
7.49
ME-USD
0.06
Տեսնել լրահոսը


Հայաստանի զինված ուժերի այսօրվա վիճակը թելադրում է, որ ինքը կարող է հենվել իր կարողությունների վրա. լարվածությունն այն աստիճանի չէ, որ Հայաստանը դիմի ՀԱՊԿ-ին: Այս մասին, այսօր՝ նոյեմբերի 5-ին, ՊՆ-ում մեկնարկած ՀԱՊԿ Խորհրդարանական վեհաժողովի 12-րդ լիագումար նիստից առաջ լրագրողների հետ զրույցում նշեց ԱԺ «Իմ քայլը» խմբակցության պատգամավոր, ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը՝ հիշեցնելով, որ այս տարի կրակոցներն ավելի քիչ են, քան նախորդ տարիներին:

Անդրադառնալով ՌԴ Պետդումայի պատգամավոր Կոնստանտին Զատուլինի այն հայտարարությանը, թե Հայաստանը սահմանային կրակոցների վերաբերյալ իրենց պաշտոնապես ոչինչ չի ասել, որպեսզի իրենք հարցը դարձնեն քննարկման առարկա, Քոչարյանն ասաց. «Հայաստանն այս պահին դրա կարիքը չունի, եթե պետք լինի, Հայաստանը եւ՛ կխոսի, եւ՛ այդ հարցը կբարձրացնի, եւ՛ հարցերի լուծմանը կհասնի: Պարոն Զատուլինը ճիշտ է ասում, բայց չմոռանանք, տարիներ առաջ, երբ մեր սահմանում լարվածություն կար (հիմա էլ կա), Բորդյուժայի հայտարարությունը, ՀԱՊԿ-ը պատրաստ էր որեւէ ձեւով արձագանքել, եթե դա վերաբերում էր ՀՀ սահմանների պաշտպանությանը»:

Հարցին, թե գուցե Հայաստանը վստահ չէ՞ իր դաշնակցի վրա, այդ պատճառով էլ չի դիմում, Անդրանիկ Քոչարյանը պատասխանեց՝ Հայաստանն առաջին հերթին՝ պետք է վստահ լինի իր վրա:

Նա նաեւ տեղեկացրեց, որ ՀԱՊԿ համաժողովի ընթացքում Ռուսաստանի կողմից Ադրբեջանին զենք վաճառելու հարցը չի բարձրաձայնվել, քանի որ այն բարձրացնելու եւ քննարկելու հարցն այս հարթակում չի որոշվում:

Նրա խոսքով՝ Ռուսաստանի կողմից Ադրբեջանին զենք վաճառելու հանգամանքը վատ է, սակայն չպետք է մոռանալ, որ նմանատիպ սպառազինությամբ հագեցած է նաեւ ՀՀ զինված ուժերը:

«Խնդիրը խաղաղության հասնելն է, խնդիրը զենքի մեջ չէ, զենքի հավասարակշռության հարցը մշտական օրակարգային է, եւ զինատեսակի առումով հակառակորդը պետք է առավելություններ չունենա: Բայց չպետք է մոռանանք, որ Ադրբեջանի բյուջեային հատկացումները, զինված ուժերի կառուցվածքը մի քիչ այլ է: Վերջիվերջո, նրանք պահում են կովկասյան նավատորմ, որը բացարձակապես չի մտնում հայ-ադրբեջանական ռազմական հակամարտության մեջ»,- նշեց Ա. Քոչարյանը:

Անդրադառնալով Պաշտպանության նախկին նախարար Վաղարշակ Հարությունյանի այն հայտարարությանը, թե Ադրբեջանին Ռուսաստանի կողմից զենք վաճառելու փաստը պետք է դարձնել օրակարգային հարց, Ա. Քոչարյանն ասաց, որ, եթե Վ. Հարությունյանը նման բան է ասում, ապա հաշվի առնելով նրա փորձն ու կապերն այդ կառույցների հետ՝ պետք է ընդունել ի գիտություն: Սակայն պետք է ուսումնասիրել նաեւ, թե Հարությունյանն ինչ նկատի ունի:

!
Այս նյութը հասանելի է նաև   English
Տպել
Կարդացեք նաև
Ամբողջը
Մեր ասելիքն ավելի ըմբռնելի է դառնում ՀԱՊԿ մեր գործընկերների շրջանում. Փաշինյանը՝ Բաքվին զենք վաճառելու մասին
Ամեն դեպքում, մենք բոլոր հարթակներում պետք է հետեւողականորեն պաշտպանենք մեր ազգային շահերը...
Անդրկուլիսյան գործընթացների արդյունքում Ադրբեջանը կարող է հայտնվել ՀԱՊԿ-ում եւ ԵՏՄ-ում. ռուս փորձագետ
Ադրբեջանի համար ՀԱՊԿ եւ ԵՏՄ դռները փակ չեն...
Այսօր պայթեց Փաշինյանի հերթական սուտ խոստումը. Շարմազանով
Տարօրինակ է, Հայաստանի վարչապետն այսօր արդեն «գլուխ է գովում», թե ՀԱՊԿ-ում միաձայն որոշել են 2020թ. հունվարի մեկից Բելառուսի...
Նիկոլ Փաշինյանը ՀԱՊԿ անդամ պետությունների ղեկավարների ստորագրությունների լուսանկարն է հրապարակել
Բիշքեկում կայացած ՀԱՊԿ գագաթաժողովի արդյունքներով բազմաթիվ փաստաթղթեր ստորագրեցինք․․․
Հայաստանը կշարունակի իր ներդրումն ունենալ ՀԱՊԿ արդյունավետության բարձրացման գործում. Փաշինյան (ֆոտո)
Այնուհետեւ վարչապետն անդրադարձել է մեր երկրի եւ ամբողջ տարածաշրջանի անվտանգության հետ կապված իրավիճակին, խոսել Լեռնային Ղարաբաղի հակամարտության կարգավորման գործընթացի մասին...
ՀԱՊԿ երկրների առաջնորդները հանդես են եկել ՌՀՍՊ-ի երկարաձգման օգտին
«Ցավում ենք Միջին եւ փոքր հեռահարության հրթիռների ոչնչացման մասին պայմանագրի գործողության դադարեցման կապակցությամբ, խորապես մտահոգված ենք...