News
Լրահոս
News
Չորեքշաբթի
Նոյեմբեր 20
USD
476.98
EUR
527.68
RUB
7.46
ME-USD
0.06
Տեսնել լրահոսը

Հայաստանի Հանրապետության նախագահի նստավայրում այսօր կայացել է Հայաստանի և Հունաստանի նախագահների գլխավորած պատվիրակությունների հանդիպումը: Այս մասին հայտնում են ՀՀ կառավարության լրատվական ծառայությունից։

Ողջունելով նախագահ Պրոկոպիոս Պավլոպուլոսի և նրա գլխավորած պատվիրակության այցը Հայաստան՝ նախագահ Արմեն Սարգսյանն անդրադարձել է ավելի վաղ՝ նեղ կազմով քննարկված հարցերի շրջանակին: «Ուրախ էի լսելու, որ Հունաստանը մոտ ժամանակներս կվավերացնի Եվրամիության հետ Հայաստանի համապարփակ և ընդլայնված գործընկերության համաձայնագիրը: Համակարծիք էինք, որ շատ էական է մեր երկկողմ համագործակցությունը քաղաքական, տնտեսական, նաև՝ մշակութային, գիտական և այլ ոլորտներում,- ասել է նախագահ Սարգսյանը:-Նաև կարևորեցինք եռակողմ պլատֆորմը՝ Հայաստան-Հունաստան-Կիպրոս: Բացի այդ, մենք կարող ենք Հունաստանը դիտարկել որպես դարպաս դեպի Եվրամիություն, և հակառակը, Հունաստանը կարող է Հայաստանը դիտարկել որպես դարպաս դեպի Եվրասիական միություն»:Նախագահը բարձր է գնահատել երկկողմ հարաբերությունները բոլոր ոլորտներում նոր մակարդակի հասցնելու ներուժը:

Նշելով, որ երկու ժողովուրդներն էլ պատմականորեն ձևավորված սփյուռք ունեն՝ Հայաստանի և Հունաստանի նախագահներն ընդգծել են սփյուռքի ձևաչափով համագործակցության կարևորությունը: «Լինելով փոքր պետություններ՝ երկու երկրներն էլ ունեն հսկայական սփյուռք, և մեր երկկողմ, ազգային շահերն առաջ մղելու հարցում նրանց համագործակցությունն աշխարհի տարբեր մասերում շատ էական է լինելու: Ամբողջությամբ համաձայն եմ պարոն նախագահի հետ, որ պետք է ամեն բան անենք, որ հայ և հույն սփյուռքների միջև ավելի խոր ու ծրագրային համագործակցություն ունենանք տարբեր ոլորտներում»,-ասել է նախագահ Սարգսյանը:

Հունաստանի նախագահ Պրոկոպիոս Պավլոպուլոսն ընդգծել է, որ պատրաստ է իր նպաստը բերելու երկկողմ հարաբերությունների սերտացմանն ու ամրապնդմանը: «Մեր երկու ժողովուրդներն ու երկրները պատմականորեն պարտադրված են համագործակցել, և մենք պետք է խորացնենք այդ գործակցությունը բոլոր ասպարեզներում»,-ընդգծել է նա:

Նախագահները կարևոր են համարել նաև երկու երկրների կառավարությունների, ինչպես նաև խորհրդարանների միջև առավել սերտ համագործակցությունը՝ պատրաստակամություն հայտնելով հնարավորինս աջակցել նրանց ջանքերին:

Անդրադարձ է եղել նաև միջազգային կազմակերպությունների շրջանակներում համագործակցության հարցերին:

Նշելով, որ խորհրդարանական կառավարման համակարգը Հայաստանում նոր է, նախագահ Սարգսյանն առաջարկել է քննարկել երկու երկրների նախագահական կառույցների միջեւ փոխգործակցության, մասնավորապես, նախագահների աշխատակազմերի միջև փորձի փոխանակման ծրագրերի հնարավորությունը՝ հաշվի առնելով Հունաստանի խորհրդարանական կառավարման հարուստ փորձն ու ավանդույթները: Հունաստանի նախագահը դրական է արձագանքել առաջարկին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ջոնսոնը խոստովանել է, որ հիանում է ԵՄ երկրների բոլոր ղեկավարներով
Ջոնսոնը հիանում է ԵՄ 27 անդամ երկրների ղեկավարներով...
Սերժ Սարգսյանը մեկնել է Խորվաթիա
Համագումարն ընտրելու է ԵԺԿ նոր նախագահ և նախագահություն․․․
ՀՀ պատվիրակները Մադրիդում քննարկել են ՀՀ-ԵՄ վիզաների ազատականացման մեկնարկի հեռանկարները
Երկու կողմերն էլ բարձր գնահատեցին սույն հանդիպման ձեւաչափը եւ դրա արդյունավետությունը...
Եվրամիությունը պատրաստ է Բելառուսի հետ վիզային ռեժիմը պարզեցնելու համաձայնագիր ստորագրել
Գործընթացը լրիվ ավարտելու համար դեռեւս անհրաժեշտ է գնահատել կենսաչափական անձնագրերի տրամադրման բելառուսական համակարգի անվտանգությունն ու ամբողջականությունը․․․
Հայաստանը գործընկերության մասին շատ հավակնոտ համաձայնագիր ունի. շվեդ դիվանագետ
Հայաստանը ԵՄ-ի հետ ազատ առեւտրի գոտու մասին համաձայնագիր չունի...
Հայաստանի թվային օրակարգը վկայում է բազմավեկտոր համագործակցության հնարավորության մասին. ԵՄ
Հայաստանը ԵՏՄ շրջանակում իրականացնում է թվային օրակարգ, եւ այդպիսի օրակարգ կա նաեւ ՀՀ-ի ու ԵՄ-ի միջեւ ՀԸԳ համաձայնագրում…