News
Լրահոս
News
Չորեքշաբթի
Նոյեմբեր 20
USD
476.98
EUR
527.92
RUB
7.49
ME-USD
0.06
Տեսնել լրահոսը

Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը նոյեմբերի 4-ին ընդունել է պաշտոնական այցով Հայաստանի Հանրապետությունում գտնվող Տաջիկստանի Հանրապետության Մաջլիսի օլի Մաջլիսի Նամայանդագոն նախագահ Շուքուրջոն Զուխուրովին և նրա գլխավորած պատվիրակությանը: Այս մասին տեղեկացնում են Մայր Աթոռ Ս. Էջմիածնի տեղեկատվական համակարգից:

Ողջունելով հյուրերին՝ Նորին Սրբությունը Տաջիկստանի խորհրդարանի նախագահին ներկայացրեց հայ ժողովրդի բազմադարյան պատմության առանցքային իրադարձությունները՝ հաստատելով, որ Հայ Եկեղեցին հայ ժողովրդի հոգևոր-մշակութային և ինքնության պահպանման գործում մեծ դերակատարություն է ունեցել: Վեհափառ Հայրապետն ընդգծեց, որ հայ ժողովուրդն ու եկեղեցին, մասնավորապես մեծ կորուստներ ունեցան 1915 թվականին Թուրքիայի կողմից հայության դեմ իրագործված ցեղասպանության ժամանակ: Անդրադառնալով Հայաստանի անկախության տարիներին՝ Ամենայն Հայոց Կաթողիկոսը նշեց, որ Հայ Եկեղեցին ջանքեր է գործադրում ամբողջապես վերականգնել իր առաքելությունը հայ ժողովրդի կյանքում:

Ամենայն Հայոց Կաթողիկոսն ուրախությամբ արձանագրեց, որ ամենաբարձր մակարդակով աշխուժանում են հարաբերություններն ու սերտ փոխգործակցությունը երկու բարեկամ ժողովուրդների միջև, ինչն առավել կնպաստի երկու երկրների առաջընթացի և բարօր կյանքի կերտմանը: Գարեգին Երկրորդ Հայրապետը նաև իր երախտագիտությունը հայտնեց Տաջիկիստանի Հանրապետության իշխանություններին իրենց երկրում ապրող հայորդիների նկատմամբ հոգատար վերաբերմունք դրսևորելու համար:

Իր հերթին տիար Շուքուրջոն Զուխուրովը, շնորհավորելով Նորին Սրբությանն օծման և գահակալության 20-րդ տարեդարձի առիթով, մաղթեց քաջառողջություն և նորանոր ձեռքբերումներ: Վերջինս նշեց, որ քաջատեղյակ է Հայոց Հայրապետի եկեղեցաշեն և հայրենաշեն գործունեությանը:

Տիար Շուքուրջոն Զուխուրովն ընդգծեց, որ երկու ժողովուրդների հարաբերությունները սկիզբ են առնում դարերի խորքից, ինչը կարևոր հարթակ է ստեղծում երկու բարեկամ պետությունների կապերի զարգացման և ամրապնդման համար: Տաջիկստանի Մաջլիսի օլի Մաջլիսի Նամայանդագոնի նախագահը ժողովուրդների ազգային ինքնության և արժեքների պահպանության գործում կարևոր նկատեց նաև հավատքի և լեզվի դերակատարությունը:

Զրույցի ընթացքում կարևորվեց կրոնների առաքելությունն ազգերի մեջ հանդուրժողականության հաստատման, երկխոսության ձևավորման և մշակութային փոխճանաչողության գործում:

Հանդիպման ընթացքում Նորին Սրբությունն անդրադարձ կատարեց Մոսկվայի և Համայն Ռուսիո Պատրիարք Կիրիլ Առաջինի միջնորդությամբ Կովկասի մահմեդականների վարչության նախագահ Շեյխ ուլ իսլամ Ալլահշուքյուր Փաշազադեի հետ ունեցած հանդիպումներին, որոնք նպատակ էին հետապնդում նպաստել Լեռանային Ղարաբաղի հակամարտության խաղաղ կարգավորման գործընթացին: Այս խնդրի խաղաղ լուծման առնչությամբ Ամենայն Հայոց Կաթողիկոսը կարևոր համարեց նաև միջազգային հանրության՝ ի դեմս ԵԱՀԿ Միսնկի խմբի համանախագահների, գործադրվող ջանքերը:

Վերջում Վեհափառ Հայրապետը մաղթեց, որպեսզի Աստծո օրհնությամբ արդյունավետ լինի երկու երկրների համագործակցությունը: 

Հանդիպմանը ներկա էին Մայր Աթոռ Սուրբ Էջմիածնի Արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանը և Վարչատնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը:

!
Այս նյութը հասանելի է նաև   English
Տպել
Կարդացեք նաև
Ամբողջը
Հայ եկեղեցին նշում է Ս. Անդրեաս եւ Ս. Փիլիպպոս առաքյալների հիշատակության օրը.վերջինիս խաչել են
Հայ Առաքելական Եկեղեցին Ս. Անդրեաս եւ Ս. Փիլիպպոս առաքյալների հիշատակը տոնում է Ս. Խաչի 9-րդ կիրակիին հաջորդող շաբաթ օրը…
Օշականի Սուրբ Մեսրոպ Մաշտոց եկեղեցու «Փառք հայ գրի և դպրության» որմնանկարը վերականգնվում է
Օշականի Սբ. Մեսրոպ Մաշտոց եկեղեցին կառուցվել է 19-րդ դարում՝ Մեսրոպ Մաշտոցի դամբարանի վրա: «Փառք հայ գրի և դպրության» որմնանկարը համահունչ է հայկական մանրանկարչության...
Ամենայն Հայոց Կաթողիկոսն ընդունել է Չեխիայի հարավային Բոհեմիայի համալսարանի ռեկտորին
Հանդիպմանը պրն. Ռուբեն Միրզախանյանը շնորահավորեց Ամենայն Հայոց Կաթողիկոսին գահակալության 20-ամյակի կապակցությամբ․․․
«Հրապարակ». Միաբանության սիրո ճաշ՝ առանց իշխանավորների. «Ոչինչ, ոչինչ, էդպես էլ է լինում»
Այնտեղ էին բոլոր թեմերի առաջնորդները, այդ թվում` Արցախի թեմի...
Մայր Աթոռում նշվել է Գարեգին Երկրորդի օծման եւ գահակալության 20-րդ տարեդարձը (ֆոտո)
Սուրբ Գայանե վանքում մատուցված Սուրբ Պատարագի արարողությանը ներկա էր Մայր Աթոռի միաբանությունը․․․
Գերագույն հոգևոր խորհուրդն ավարտել է իր աշխատանքները
Գերագույն հոգևոր խորհրդի անդամները, լսելով ներկայացված հանգամանալի զեկույցը․․․