Արցախի Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովի նախագահի՝ հոկտեմբերի 29-ի հայտարարությամբ նախատեսված հանձնաժողովի նիստը այսօր չի կայացել՝ քվորում չլինելու պատճառով:

Արցախի ԱԺ-ից NEWS.am-ին հայտնում են, որ հանձնաժողովի նախագահի տեղակալ Գեղամ Ստեփանյանը հայտարարել է, որ «Հաշվեքննիչ պալատի անդամի թեկնածության և Ազգային ժողովին թեկնածու առաջարկելու վերաբերյալ քննարկում» օրակարգային հարցով նիստը տեղի կունենա նոյեմբերի 8-ին ժամը 11:00-ին: