News
Լրահոս
News
Ուրբաթ
Նոյեմբեր 15
USD
477.51
EUR
525.36
RUB
7.45
ME-USD
0.06
Տեսնել լրահոսը

Հենց Հայաստանը, Ադրբեջանը եւ Արցախը պետք է ստանձնեն պատասխանատվությունը եւ հասնեն Լեռնային Ղարաբաղի հակամարտության խաղաղ հանգուցալուծման: Այս մասին Շվեդիայի Միջազգային հարաբերությունների ինստիտուտում Արեւելյան գործընկերության տասնամյակին նվիրված դասախոսությանը «Զրույց Հայաստանի եւ Ուկրաինայի ԱԳ նախարարների հետ» խորագրի ներքո, իր խոսքում նշել է Հայաստանի ԱԳ նախարար Զոհրաբ Մնացականյանը:

Ադրբեջանի ներկայացուցիչների հարցերին, թե ինչպես կարելի է խոսել խաղաղության մասին, երբ Հայաստանի վարչապետը հայտարարում է, որ «Արցախը Հայաստան է եւ վերջ», ինչպես նաեւ թե ինչ քայլեր են ձեռնարկվել Հայաստանում բնակչությանը խաղաղությանը նախապատրաստելու ուղղությամբ, նախարար Մնացականյանը նշել է.

«Նախեւառաջ կցանկանայի հղում անել նրան, ինչի մասին նշեց Բելառուսի խորհրդարանի հարգարժան անդամը: Կարծում եմ, որ նրա ուղերձը շատ կարեւոր է, որը վերաբերում էր շահառու կողմերի՝ խաղաղ գործընթացի սեփականության զգացումին: Դուք իրավացի եք. Հենց Հայաստանը, Ադրբեջանը եւ Արցախը պետք է ստանձնեն պատասխանատվությունը եւ հասնեն Լեռնային Ղարաբաղի հակամարտության խաղաղ հանգուցալուծման:

Սա վերաբերում է նաեւ այն հարցին, որը տալիս էր, կարծեմ, պարոն Բախտիարը:

Վարչապետի ուղերձը, որ խաղաղությունը պետք է ընդունելի լինի Հայաստանի, Արցախի եւ Ադրբեջանի ժողովուրդների համար, արժանի է փոխադարձման: Դա ուղերձ է, որը արտացոլում է լուծման համար անհրաժեշտ մի շատ կարեւոր նախադրյալ. այն է՝ կողմերի կարողությունը դիտարկել մյուս կողմի մտահոգությունները եւ ստանձնեն պարտավորություններն այնպես, որ արտացոլվեն յուրաքանչյուր կողմի մտահոգությունները:

Դա է խաղաղ կարգավորման տրամաբանությունը, որն պետք է ընդունելի լինի Հայաստանի ժողովրդի, Արցախի ժողովրդի եւ Ադրբեջանի ժողովրդի համար: Կարծում եմ, սա նաեւ վերաբերում է բարձրաձայնված մյուս հարցին:

Այժմ, ինչպես ես նշեցի, մենք ունենք որոշ առաջարկներ, որոշ գաղափարներ, որոնց հիման վրա մենք փորձում ենք կառուցել, ապաքաղաքականացնել մարդկանց միջեւ շփումները: Ինչպես տեսաք, մենք ունենք այս քաղաքականացված շփումները, մենք փորձում ենք մեղադրել միմյանց, մենք փորձում ենք անտարբեր լինել մյուս կողմերի մտահոգությունների նկատմամբ: Քաղաքականացված երկխոսությունը մեզ ամենեւին անհրաժեշտ չէ: Կան շատ լավ գաղափարներ, եւ կա փոխըմբռնում, ինչպես նաեւ իմ գործընկերոջ՝ Ադրբեջանի արտաքին գործերի նախարարի հետ զրույցում, որ պետք է այնքան զգուշորեն առաջ շարժվենք, որ կարողանանք պահպանել այն, ինչ հիմա փորձում ենք անել, պահպանել այդ հարթակի ստեղծումը, որտեղ որոշակի դրական փորձառություն կարող է ձեւավորվել, ինչի հիման վրա էլ կարող ենք կատարել հետագա քայլեր: Ես բերեցի լրագրողների օրինակը: Մենք կարող ենք տարածաշրջանում ձեւավորել Լեռնային Ղարաբաղի հակամարտության խաղաղ կարգավորման վերաբերյալ մի նոր նարատիվ»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Փետրվարին Սևանում լողալու առաջարկը տրամաբանական չէ. Փաշինյանը՝ Լավրովի հայտարարության մասին
Մեր գործընկերների օրինակով՝ մեկը ուզում է գնալ Վարդենիս, մեկը ուզում է գնալ Գավառ, մյուսը՝ Մարտունի, եթե մենք այսքանով ունենք այդ ճանապարհը՝ տրամաբանական է, որ մենք Երանից դուրս գանք եւ Աբովյանով մտնենք այդ ճանապարհը․․․
Ղարաբաղյան հակամարտության կարգավորման վերաբերյալ Հայաստանի ընկալումը ողջունվել է գործընկերների կողմից. Փաշինյան
Արձանագրվել է, որ Հայաստանի դիրքորոշումը բավականին կառուցողական է…
Միթե Փաշինյանն է այն «փայլատակող միտքը», որը վերջապես գտել է խաղաղ կարգավորման բանաձեւը. Արտակ Զաքարյան
Տարիներ շարունակ հայատյացությունը Ադրբեջանում դարձել է պետական քաղաքականության հիմնարար եւ բաղկացուցիչ մաս. այն խորապես արմատավորվել...
ԵԱՀԿ դիտակումը Թալիշից արեւելք նորմալ է անցել
Նոյեմբերի 13-ին, Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը հրադադարի ռեժիմի…
Արցախն ավելի լավ կարգավիճակ չի կարող ունենալ, քան այսօր ունի. Սուրեն Սարգսյան
Որեւէ լուծում եւ փոխզիջում առավել խոցելի կդարձնեն անվտանգությունը եւ կփոքրացնեն Արցախի փաստացի տարածքը...
Ղարաբաղի հարցում ձեւավորվում է բոլորովին նոր ասելիք. Փաշինյանի ելույթը՝ Փարիզում
Շատ ուղիղ կապ ունի Ղարաբաղի հարցի իրական ասելիքին եւ բովանդակությանը...