ԱԷՄԳ տեսուչները Իրանի հայտարարությունից հետո ժամանել են Ֆորդոյի օբյեկտ՝ Վիեննայում կենտրոնակայանին տեղեկացնելու համար ցանկացած գործունեության մասին, չորեքշաբթի ՌԻԱ «Նովոստի»-ին տեղեկացրել է ԱԷՄԳ ներկայացուցիչը։
Իրանն սկսել է գազի մատակարարումը ցենտրիֆուգներին Ֆորդոյի միջուկային օբյեկտում՝ Թեհրանի կողմից պարտավորությունների կրճատման չորրորդ փուլից հետո, տեղեկացրել է ISNA գործակալությունը։
«Մենք գիտենք ԶԼՄ-ների այսօրվա տեղեկությունների մասին Ֆորդոյի վերաբերյալ։ Գործակալության տեսուչները գտնվում են իրանական օբյեկտում եւ կտեղեկացնեն Վիեննայում կենտրոնակայանին ցանկացած գործողության մասին»,- տեղեկացրել է գործակալության ներկայացուցիչը։
Ավելի վաղ Իրանի նախագահն ասել էր, որ նոյեմբերի 6-ից Թեհրանը չորրորդ անգամ կհրաժարվի միջուկային գործարքի պարտավորությունների կատարումից եւ կսկսի ուրանի հարստացման համար ցենտրիֆուգների օգտագործումը Ֆորդոյի օբյեկտում դրանց գազ մատակարարելու միջոցով։
Միջուկային գործարքը նախատեսում է, որ Իրանը կիրականացնի Ֆորդոյի միջուկային օբյեկտի վերապրոֆիլավորում կայուն իզոտոպերի արտադրության կենտրոնի վերածվելու համար՝ ձեռնպահ մնալով այստեղ ուրանի հարստացումից՝ Նաթանզը թողնելով որպես ուրանի հարստացման միակ օբյեկտ։
