Իրանական միջուկային գործարքի շուրջ տագնապահարույց իրավիճակը ստեղծվել է այն պատճառով, որ ԱՄՆ-ն ոչ միայն հրաժարվել է իր պարտավորություններից, այլեւ պահանջում է դա անել մյուս մասնակիցներից: Այս մասին չորեքշաբթի մամուլի ասուլիսում հայտարարել է ՌԴ ԱԳ նախարար Սերգեյ Լավրովը, փոխանցում է ՏԱՍՍ-ը:
«Մենք անչափ մտահոգված ենք, եւ այդ մտահոգությունն առաջացել է ո՛չ այսօր եւ ո՛չ էլ երեկ, այլ անցյալ տարվա մայիսից, երբ Միացյալ Նահանգները գրգռիչ կերպով հայտարարեց այս համաձայնագրից իր դուրս գալու մասին»,- ասել է նա:
«ԱՄՆ-ն ոչ միայն խզեց սեփական պարտավորությունները՝ կոպտորեն խախտելով միջազգային իրավունքը, այլեւ բավականին ամբարտավանորեն, պատժելու սպառնալիքներով աշխարհի մնացյալ բոլոր երկրներին արգելել է կատարել Համատեղ գործողությունների համապարփակ ծրագրի կատարումը,- շարունակել է Լավրովը: - Դրանով իսկ Վաշինգտոնը,- եւ սա խնդրի արմատն է,- բոլորից պահանջել է, որ նրանք ոչ մի բան չանեն այն ամենից, ինչ Իրանին տրամադրվում է ՀԳՀԾ-ով: Իրանից պահանջում են կատարել բոլորն առանց բացառության, իսկ ի պատասխան ոչինչ չեն տալիս»:
