Գյումրիում քննարկվել է ընդհանուր էներգետիկ շուկայի ստեղծման հարցը: Նոյեմբերի 6-ին Հայաստանի Ազգային ժողովի եւ Ռուսաստանի Դաշնության Դաշնային ժողովի միջեւ Համագործակցության միջխորհրդարանական հանձնաժողովի 32-րդ նիստի ավարտից հետո լրագրողների հետ զրույցում այս մասին ասաց ՌԴ Դաշնային խորհրդի փոխնախագահ Յուրի Վորոբյովը:
Ըստ նրա՝ սա իսկապես անչափ կարեւոր հարց է: Ինչ վերաբերում է «ճանապարհային քարտեզին», ապա ԵՏՄ-ի համար միասնական էներգետիկ շուկան այս աշխատանքի ամենակարեւոր ուղղություններից մեկն է: Այս ամբողջ աշխատանքը պետք է ավարտվի մինչեւ 2025 թվականը»,- ընդգծեց Վորոբյովը:
Նշենք, որ Հայաստանի Ազգային ժողովի եւ Ռուսաստանի Դաշնության Դաշնային ժողովի միջեւ Համագործակցության միջխորհրդարանական հանձնաժողովի հաջորդ նիստը տեղի է ունենալու մյուս տարվա հուլիսին Կրասնոյարսկում:
