News
Լրահոս
News
Ուրբաթ
Նոյեմբեր 15
USD
477.51
EUR
525.36
RUB
7.45
ME-USD
0.06
Տեսնել լրահոսը

Ucom ընկերության աջակցությամբ առաջին անգամ Հայաստանում կանցկացվի Robotex միջազգային մրցույթը։ Այս մասին այսօր մամուլի ասուլիսում հայտարարեց Հայաստանի առաջատար տեխնոլոգիաների ընկերությունների միության գործադիր տնօրեն Կարեն Վարդանյանը։ Նրա խոսքերով, առաջիկա մրցույթի առանձնահատկությունն այն է, որ թույլատրված է միայն ինքնավար ռոբոտների մասնակցությունը։

«Մեզ համար ինքնավար ռոբոտների մրցույթներն արդեն ստանդարտ են, սակայն Robotex-ի շրջանակներում ինքնավար ռոբոտների մրցույթ առաջին անգամ է անցկացվում։ Մեր նպատակն է Հայաստանը դարձնել ինքնավար ռոբոտների մրցույթների անցկացման կենտրոն եւ ապահովել երկրի ճանաչելիությունը այդ առումով»,- հայտարարեց նա։ Ներկայացնելով առաջադրանքը՝ նա տեղեկացրեց, որ կստեղծվի, այսպես կոչված, «Սմարթ քաղաքի» մանրակերտ՝ ռոբոտները կապահովեն աղբահանություն, հրդեհաշիջում՝ պահպանելով երթեւեկության կանոնները եւ արձագանքելով լուսացույցի ազդանշաններին։ Այս ամենը պետք է արվի ինքնավար ռեժիմով։ Տեսարժանությունը ապահովելու համար քաղաքում զուգահեռ կաշխատեն երկու ռոբոտներ։ Մրցույթին կմասնակցի 41 թիմ, մասնակիցների թույլատրելի տարիքը 10-18 է, այս անգամ մրցույթի մասնակիցների մեծ մասը 13-14 տարեկան դեռահասներ են։

Հայաստանից մրցույթին մասնակցում են 33 թիմեր՝ երկուսը մայրաքաղաքից, մնացածը՝ մարզերից, մեծ մասամբ դրանք «ԱրՄատ» ինժեներական լաբորատորիաներում ուսանողներ են։ «Մեր թիմերից ստացվել է ընդհանուր առմամբ 90 հայտ, սակայն մենք խիստ ընտրություն ենք կատարել, որպեսզի արդյունքում  մրցույթին մասնակցեն առավել պատրաստված նախագծերը»,- հայտարարեց Վարդանյանը։ Նա հայտնեց, որ 8 թիմեր ներկայացնում են այլ երկրներ, ինչպիսին են Եթովպիան, Բոսնիան եւ Հերցոգովինան, Վրաստանը, Մադագասկարը։ Վարդանյանի գնահատականներով, արտասահմանյան թիմերի մասնակցության պասիվությունը կապված է առաջադրանքների բարդության, մասնավորապես՝ ինքնավար ռոբոտների պարտադիր մասնակցության հետ։ Մրցույթի մասնակիցները կստանան դրամական մրցանակներ եւ հատուկ մրցանակ հովանավորից՝ Ucom ընկերությունից։

Իր հերթին, Ucom ընկերության համահիմնադիր եւ գլխավոր տնօրեն Հայկ Եսայանը նշեց, որ երկար տարիների ընթացքում Ucom ընկերությունը խրախուսել է Հայաստանում ինժեներական մտքի զարգացումը՝ ֆինանսավորելով քառասունից ավել «ԱրՄատ» ինժեներական լաբորատորիաների բացումը Երեւանում եւ մարզերում, ինչպես նաեւ հովանավոերելով տարատեսակ մրցույթների անցկացումը այդ լաբորատորիաներում ուսանողների համար։ «Լինելով ինժեներատեխնիկական կրթության կողմնակից՝ մենք հասկանում ենք, որ ի հավելումն ներքին մրցույթների, պետք է մասնակցել նաեւ միջազգային մրցույթներին։ Robotex-ը բարդ միջազգային մրցույթ է, որը մենք մեծ հաճույքով ենք հովանավորում», - ասաց Եսայանը։

Նշենք, որ Robotex-Armenia մրցույթը կկայանա նոյեմբերի 9-ին։ Ժյուրիի կազմում ներառվել են ոլորտի փորձագետներ, որոնց թվում՝ Արման Պողոսյանը (Instigate), Հրանտ Խաչատրյանը (Symotec), Արամ Քեռյանը (Հայաստանի ամերիկյան համալսարան), Հրաչյա Մակարյանը («Փուլ»), Պատվական Հախինյանը (Վանաձորի տեխնոլոգիական կենտրոն) եւ Հայկ Զարգարյանը (Ucom)։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ուսման համար Google Chromebook նոթբուքեր օգտագործող աշակերտները հաջողության չեն հասնի․ Apple-ի թոփ-մենեջեր
Chromebook-ը հայտնվել է դասարաններում, քանի որ, անկեղծ ասած, դա էժանագին սարք է՝ պարտադիր թեսթավորման համար․․․
Տեխնոլոգիական առաջընթացը պետք է օգտագործել ծխելու դեմ պայքարում
Ավրորայի բարի կամքի դեսպանը՝ հակածխախոտային նախաձեռնության մասին...
Google-ը պատրաստվում է օգտատերերին հնարավորություն ընձեռել բացելու ընթացիկ հաշվիներ
Կորպորացիան պատրաստվում է ակտիվորեն աշխատել ֆինանսական ինստիտուտների հետ՝ նրանց վերապահելով նախագծի ֆինանսական կողմը…
Facebook Inc-ը 3,2 միլիարդ կեղծ հաշիվներ է հեռացրել
Աշխարհում խոշորագույն սոցիալական ցանցը նաեւ առաջին անգամ բացահայտել է, թե քանի հաղորդագրություն է հեռացրել․․․
Apple-ը ներկայացրել է «պատմության մեջ իր ամենահզոր MacBook Pro-ն»
Apple-ում նշել են, որ բարելավված «մկրատ» մեխանիզմի շնորհիվ օգտատերերը կկարողանան տեքստը հավաքել ավելի ճշգրիտ, հարմար եւ ավելի լուռ...
Facebook-ը գործարկել է Instagram-ով եւ WhatsApp-ով վճարելու հնարավորություն
Facebook-ը սեփական վճարային համակարգ է գործարկել...
Ֆոտոռեպորտաժներ