Հայ ազգային կոնգրեսն շատ ընդհանրություններ ունի իշխանության, քան ընդդիմադիր կուսակցություններ հետ: Այսօր` ապրիլի 6-ին նման տեսակետ է հայտնել ՀՅԴ խմբակցության ղեկավար Վահան Հովհաննիսյանը, «Սիվիլիթաս» հիմնադրամում կազմակերպված «100 հարց եւ պատասխան» քննարկման ժամանակ:
Նրա խոսքով, չնայած իշխանությունների եւ ՀԱԿ-ի միջեւ մշտական լեզվակռվին, նրանց միջեւ ընդհանրություն կա այնպիսի սկզբունքային հարցերում, ինչպիսիք են հայ-թուրքական եւ ղարաբաղյան խնդիրների լուծման ուղիները: Նա նաեւ քննադատեց ՀԱԿ-ին «Ժառանգության» առաջնորդ Րաֆֆի Հովհաննիսյանի հացադուլի նկատմամբ ծաղրական վերաբերմունք ցուցաբերելու եւ ցեխ շպրտելու ի համար:
Միաժամանակ, դաշնակցական գործիչն ընդգծել է առաջնորդի, այսինքն «ժողովրդի հոր», կամ «պապիի» թեկնածության շուրջ համագործակցության անթույլատրելիությունը (նկատի ունի Լեւոն Տեր-Պետրոսյանին.խմբ.): Պետք է քննարկել գաղափարախոսությունը, ոչ թե անձը, ասել է նա:
Ինչ վերաբերում է իշխանությունների ներսում առկա հակասություններին, ապա ըստ Հովհաննիսյանի այդպիսին չկա: Նրա խոսքով, կան մարտավարական խնդիրներ, որոնք վերաբերում են նրան, թե ինչպես մնալ իշխանության, ինչ ձեւաչափով գնալ ընտրությունների: