Օրերս ՀԱՅԲԻԶՆԵՍԲԱՆԿԻ ներկայացուցիչները «Ծաղկաձոր Մարիոթ» հյուրանոցային համալիրում մասնակցեցին «Ինգո Արմենիա» ապահովագրական ընկերության կազմակերպած՝ «Մեկ օր Ինգոյի հետ» խորագիրը կրող միջացառմանը: Այդ մասին NEWS.am-ին հայտնեցին բանկի մամուլի ծառայությունից։
«Ինգո Արմենիա» ԱՓԲԸ գործադիր տնօրենը, ողջունելով ներկաներին, իր խոսքում նշեց, որ միջոցառումն արդեն ավանդույթ է դարձել: Տարին մեկ անգամ՝ ապահովագրական ընկերությունը գործընկեր բանկերի հետ քննարկում է առաջարկներն ու նորարարությունները, նախանշում՝ գալիք տարվա անելիքները:
Ապահովագրական գործակալության գործադիր տնօրենը կարևորեց երկուստեք համագործակցությունը:
Այնուհետև «Ինգո Արմենիայի» աշխատակիցները գործընկեր բանկերին ներկայացրին ապահովագրական ոլորտի զարգացման միտումներն ու վերջին նորությունները՝ ամփոփելով այս տարվա ընթացքում Բանկերի և վարկային կազմակերպությունների հետ համագործակցության արդյունքները:
Միջոցառման ընթացքում տեղի ունեցավ նաև մրցանակաբաշխություն, որի ժամանակ պարգևատրվեցին և հավաստագրեր ստացան լավագույն ցուցանիշներ արձանագրած բանկերն ու դրանց մասնաճյուղերը:
Պատվոգրերի և մրցանակների արժանացան նաև «ՀԱՅԲԻԶՆԵՍԲԱՆԿ» ՓԲԸ Գլխամասային գրասենյակը՝ արդյունավետ համագործակցության, իսկ Վանաձոր, Գյումրի և Ագարակ մասնաճյուղերը՝ ապահովագրական ապրանքատեսակների ակտիվ վաճառքներ իրականացնելու համար:
Կարևորելով բանկերի և ֆինանսական կառույցների դերը ապահովագրական ոլորտի զարգացման գործում՝ «Ինգո Արմենիա» ընկերությունը բարձր գնահատեց իր գործընկերների աշխատանքն ու շնորհակալություն հայտնեց աճող ցուցանիշների համար:
