News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

«Իրատես» թերթը գրում է. «Իշխանություններն անընդհատ տարփողում են առողջապահության ոլորտում իրենց հաջողություններն ու ձեռքբերումները‚ սակայն հիվանդանոցների դռներն ընկած մարդիկ արձանագրում են‚ որ վերջին մեկուկես տարվա ընթացքում այս ոլորտում կատարված փոփոխությունները հանգեցրել են շատ ու շատ բացասական հետեւանքների։

Խոսքը‚ մասնավորապես‚ պետպատվերի շրջանակներում բուժվող հիվանդների մասին է։ Եթե նախկինում հիվանդին ընդունում էին հիվանդանոց եւ հընթացս կազմակերպում թղթաբանությունը‚ հիմա ընթացակարգը փոխվել է։ Հաշմանդամության կարգ ունեցողները, եթե պետպատվերի շրջանակներում հիվանդանոցային բուժման կարիք ունեն‚ նախ պետք է հերթագրվեն։

Անգամ եթե հիվանդի վիճակը ծանր է‚ պետք է փաստաթղթերը ներկայացնեն հիվանդանոց‚ հիվանդանոցը դրանք ուղարկի առողջապահության նախարարություն‚ նախարարությունն էլ կայացնի որոշում՝ հիվանդը պե՞տք է բուժվի պետպատվերի շրջանակներում‚ թե՞ ոչ։ Եվ այդ ամենը տեւում է օրեր։

Անգամ եթե հիվանդի վիճակը ծանր է‚ անհապաղ բուժօգնության կարիք ունի‚ պետպատվերով բուժում ստանալու համար ստիպված է հերթագրվել ու սպասել իր հերթին։ Իսկ եթե հիվանդը դժգոհում է‚ պատասխանը մեկն է՝ չեք ուզում սպասել‚ գումար վճարեք եւ ստացեք ձեր բուժումը։

Ժամանակին‚ երբ նման պատմություններ լսում էինք արտասահմանում բնակվող մեր հայրենակիցներից‚ զարմանում էինք՝ միթե հնարավոր է բուժման կարիք ունեցող հիվանդին հետ ուղարկել հիվանդանոցի դռնից‚ ու հազար անգամ փառք էինք տալիս Աստծուն‚ որ մեզ մոտ նման պրակտիկա չկա։

Տրամաբանությունը հուշում է‚ որ ցանկացած փոփոխություն պետք է միտված լինի քաղաքացիների կյանքի որակի բարելավմանը‚ ընթացակարգերի պարզեցմանը‚ բայց այն‚ ինչ վերջին մեկուկես տարում պարտադրում են մեզ (տվյալ դեպքում՝ առողջապահության ոլորտում)‚ լրիվ հակառակ տրամաբանությունն ունի։ Նույն կերպ դժգոհում են նաեւ պոլիկլինիկաների այցելուները։ Ցանկացած բժշկի մոտենալիս նախապես պետք է հերթագրվեն‚ ժամ նշանակեն‚ ինչը‚ սակայն‚ չի գործում։ Թեեւ նշանակված ժամ կա‚ սակայն քաղաքացիները ստիպված են լինում ժամերով սպասել բժշկի մոտ մտնելու համար։

Ընդ որում‚ կատարված փոփոխություններից դժգոհ են ոչ միայն հիվանդները‚ այլեւ բժիշկները»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Սուպերմարկետները պարբերաբար խախտում են աշխատողների իրավունքները. Հայտարարություն
Աշխատողներին չեն տրամադրվում աշխատանքային օրենսդրությամբ սահմանված հիմնական արձակուրդը կամ դրա համար փոխհատուցման վճարը...
Լիզինգի բարելավված օրենսդրական դաշտը նոր պայմաններ կստեղծի գործարարների համար
Հայաստանում հիմնական միջոցների լիզինգը 2014 թվականի վարկային պորտֆելի մեջ, ըստ LeasEurope ասոցիացիայի, կազմում էր ընդհանուրի ընդամենը 0.8%-ը…
Դոլարի փոխարժեքը աճել է. եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները...
«Իրավունք». Նիկոլ Փաշինյանը էլի ցույցեր է հրահրում
Մենք ասֆալտների վրա մորթվող, վաճառվող, գնվող մսի կամ ընդհանրապես սննդամթերքի պատմությանը պետք է վերջ դնենք օր առաջ...
«Ափսթարթ լաբը» ներառվեց «Էկոս» ազատ տնտեսական գոտու ռեեստրում. 110 մլն դրամի ներդրումներ կլինեն
Ընկերություն գործունեության առաջին տարում ունենալու է մոտ 12 քմ գրասենյակային տարածք «ԷԿՈՍ» ազատ տնտեսական գոտում, որն ընդլայնվելու է...
Մաքսատուրիքց արտոնություն ստացան «ՍՋՆ Ռոլլմեն վորլդ» ՍՊԸ-ն եւ «Երեւանի քիմիա դեղագործական ֆիրմա» ԲԲԸ-ն
Ընկերությունը ներմուծվող ապրանքներն օգտագործելու է արդյունաբերական նշանակության էլեկտրական շարժիչների առանցքակալների պատրաստման համար...
Ամենաշատ