News
Լրահոս
News
Չորեքշաբթի
Նոյեմբեր 20
USD
476.98
EUR
527.92
RUB
7.49
ME-USD
0.06
Տեսնել լրահոսը

Ժամանակն է խոսել այս մասին. Լրացավ մեկ տարին, ինչ Շանթ Հարությունյանը

հինգ տարվա բանտային կալանքից հետո ազատ է արձակվել։ Այս մասին Facebook-ի իր էջում գրել է «Ցեղակրոն» կուսակցության նախագահ Շանթ Հարությունյանի որդին՝ Շահեն Հարությունյանը:

Նա, մասնավորապես, նշել է. «Այս մեկ տարվա ընթացքում անդադար կարծիքներ եմ լսել՝ կապված Շանթ Հարությունյանի լռության հետ։ Բազմաթիվ պատեհ առիթներով նշել եմ, թե ինչու հանրային ակտիվությամբ հանդես չի գալիս Շանթ Հարությունյանը։

Այնուամենայնիվ, իմ կողմից առաջ քաշած բոլոր պատճառաբանությունները այդպես էլ մնացին լուսանցքում եւ շարունակվեց հատուկ ընդգծված կերպով արշավ Շանթ Հարությունյանի լռության դեմ։

Խնդիր էր դրված՝ վարկաբեկել Շանթ Հարությունյանին եւ ըստ էության փորձել արժեզրկել նրա հնարավոր հանրային ելույթներն ու ակտիվությունը։ Սա հատուկ ծառայություններին բնորոշ ձեռագիր է, որը, ցավալիորեն, բավականին հեշտորեն կիրառվում է հայ հասարակության գրեթե բոլոր շրջանակներում։

Հիմա ամբողջապես ներկայացնեմ իրավիճակը։

Սակայն հարկ եմ համարում նշել, որ խոսքս ուղղված է բոլոր ազնիվ եւ պարկեշտ քաղաքացիներին։

Հարգելի՛ հայրենակիցներ, պարզաբանելով միտքս, նշեմ, որ Հայաստանում այս պահին հանրային եւ պետական մտահոգության առարկաներ են հետեւյալ խնդիրները.

1. Արցախյան հիմնահարցի կարգավորում.
(Պատերազմ, թե՞ խաղաղություն)։

2. ՀՀ ընդհանուր արտաքին քաղաքականություն.
(Հայաստան-Ռուսաստան, Հայաստան-Արեւմուտք փոխհարաբերություններ)։

3. ՀՀ ներքին արժեհամակարգի ձեւավորման խնդիր.
( Արժեքների հեղափոխություն)

4. Երկրի ներքին անվտանգության ապահովման, արդարադատության եւ օրինականության պահպանման խնդիր։

5. Տնտեսական բարեփոխումների խնդիր.
(Հայաստանում ներդրումների, աշխատատեղերի հարց.)

Իմ եւ Շանթ Հարությունյանի դիտարկմամբ, բոլոր վերոնշյալ այս խնդիրներն են, որ այսօր հանրային ակտիվ քննարկումների տեղիք են տալիս՝ ընդհուպ հանգեցնելով կոնֆրոնտացիոն դրսեւորումների։ Քանի որ այսօր հիմնական օրակարգային խնդիրները սրանք են, ուստի Շանթ Հարությունյանը նպատակահարմար չի գտնում խոսել հիմա՝ համարելով, որ ինքն իրեն կրկնելու անհրաժեշտություն չունի։ Այս վերոնշյալ հարցերին նա անդրադարձել է դեռեւս բանտային մոտ 3 ժամ տեւողության ասուլիսի ընթացքում՝ 2018թ. սեպտեմբերի 8-ին։
Բոլոր մարդիկ, որոնք իսկապես եւ ազնվորեն ցանկանում են իմանալ Շանթ Հարությունյանի կարծիքն այս խնդիրների շուրջ, հորդորում եմ՝ եւս մեկ անգամ ամբողջապես լսել Շանթ Հարությունյանի բանտային ասուլիսը։

Իսկ բոլոր մնացածներին ոչինչ չունենք ասելու եւ պարզաբանելու։

Եվ վերջում տեղեկացնեմ, որ Շանթ Հարությունյանը աչալրջությամբ հետեւում է թե՛ ներքին եւ թե՛ արտաքին քաղաքական գործընթացներին։ Կարեւոր է նշել, որ ուշադիր հետեւում է նաեւ հանրային տրամադրություններին եւ եթե Շանթ Հարությունյանը զգա, որ նոր խոսքի կարիք կա, ապա հանգիստ եղե՛ք։ Շանթին ոչինչ հետ չի պահի՝ ազատորեն ներկայացնելու իր մտքերն ու կարծիքները։

Հ.Գ. Իսկ սա անձնապես իմ կողմից՝ ուղղված բոլոր ազնիվ միամիտներին եւ՛ բոլոր միտումնավոր սրիկաներին.

Արդեն 70 տարուց ավելի է, որ Հարությունյան ընտանիքը երբեք չի լռել եւ պայքարել է Հայաստանի եւ հայ ժողովրդի ազատության եւ անվտանգության համար՝ սկսած Խորհրդային միության ժամանակներից ընդհուպ մինչեւ մեր օրեր։

Արդեն 4 սերնդի չեն կարողանում լռեցնել թե՛ Խորհրդային բանտերով եւ թե՛ այլ դաժան հալածանքներով։ Եվ դուք՝ միամիտնե՛ր կամ սրիկանե՛ր, ի՞նչ եք կարծում, արդյո՞ք իմ հասարակ աշխատանքը (պատգամավորի օգնական լինելը), կարող է հետ պահել ինձ եւ հորս հետ պահել տասնամյակներ ընթացող պայքարից։

Հետեւությունները թողնում եմ Ձեզ...

Հարգանքներով՝ Շահեն Հարությունյան»:

Տպել
Կարդացեք նաև
Ամբողջը
«Հրապարակ». Առաջնությունը տրվում է համակուրսեցիներին
Մեկ ամսում նախարարությունում երկու առանցքային պաշտոնյա հրաժարական տվեց...
«Իրավունք». Արայիկ Հարությունյանն նեղ շրջապատում ասել է՝ դասերին չեկող ուսանողները կմնան նույն կուրսում
Մեր աղբյուրի տեղեկացմամբ՝ Հարությունյանն ասել է՝ թե լավ կրթություն եք ուզում, ուրեմն կտեսնեք՝ լավ կրթությունը որն է...
«Ժողովուրդ». Պատգամավորական գործուղումներ և ԱԺ դատարկ դահլիճ. Ինչու չընդունվեց «Անվտանգության խորհրդի մասին» օրինագիծը
Այս օրերին ԱՄՆ-ում են նաև Անի Սամսոնյանը, Շաքե Իսայանը, Նորա Առուստամյանն ու Լիլիթ Ստեփանյանը...
«Ժողովուրդ». Արտառոց նշանակում ՊՆ-ում. բարձր պաշտոն է ստացել մեղադրյալի կարգավիճակ ունեցողը
Մեղադրանք է առաջադրվել, որովհետեւ լինելով զորամասի հրամանատար` զանցառել է պաշտոնեական լիազորությունները՝ մայոր Արուսիկ Պետրոսյանին...
«Փաստ». Ֆուտ­բո­լա­յին խայ­տա­ռա­կու­թյան քա­ղա­քա­կան «նրբե­րանգ­նե­րը». ՀՖՖ-ում դեմարշ է իրականացվում Վանեցյանի դեմ
Պարզվեց՝ չեն գտել, եւ արդյունքում ընդամենը առավել սրեցին մթնոլորտը ֆուտբոլի ֆեդերացիայում...
«Հրապարակ». Ինչո՞վ կավարտվի «Իմ քայլը»-ԲՀԿ սագան. Դաս կքաղի՞ ԲՀԿ-ն
Ճիշտն ասած` մի քիչ զարմանում եմ, որ մարդիկ կարողանում են իրենց համար երեւակայական աշխարհ ստեղծել, ապրել այդ աշխարհի մեջ...