News
Լրահոս
News
Չորեքշաբթի
Փետրվար 26
USD
478.33
EUR
517.46
RUB
7.31
ME-USD
0.05
Տեսնել լրահոսը

ԱՄՆ-ը մեծ կարեւորություն է տալիս ԵԱՀԿ Մինսկի խմբի համանախագահների հետ աշխատանքին ու հավատարիմ է հակամարտության վերջնական կարգավորմանը, եւ կողմերի հետ միասին առաջ է տանում ղարաբաղյան հակամարտության խաղաղ կարգավորումը։

Այս մասին ասել է ԵԱՀԿ-ում ԱՄՆ առաքելության ղեկավար Ջեյմս Գիլմորը՝ ելույթ ունենալով Վիեննայում ԵԱՀԿ Մշտական խորհրդի ընթացքում։ Նրա խոսքով՝ շատ բան է փոխվել մեկ տարի առաջ Մշտական խորհրդում համանախագահների հայտնվելուց հետո։ «Մենք մտահոգ ենք վերջին ամիսներին շփման գծում կորուստների առիթով։ Այդ կորուստները ցուցադրում են շարունակվող մարդկային զոհերը, որ հակամարտության հետեւանք են, ինչը բարձրացնում է լարվածությունն ինչպես տեղերում, այնպես էլ մայրաքաղաքներում։ Դրանք (նման միջադեպերը- խմբ.) խորացնում են անվստահությունը եւ թշնամանքը՝ նվազեցնելով ամուր կարգավորման հեռանկարները։ Միեւնույն ժամանակ, մեզ հուսադրում են բարձր մակարդակով կառուցողական շփումները Հայաստանի եւ Ադրբեջանի ղեկավարների եւ արգործնախարարների միջեւ։

Եկեք ամփոփենք արդյունքները. այս դահլիճում մեր վերջին ելույթի ժամանակից դուք հանդիպեցրել եք նախագահ Ալիեւին եւ վարչապետ Փաշինյանին այստեղ՝ Վիեննայում։ Ձեր վերջին ելույթից հետո Մշտական խորհրդում դուք նաեւ մասնակցել եք ԱԳՆ ղեկավարների հինգ հանդիպումներին Միլանում, Փարիզում, Մոսկվայում Վաշինգտոնում եւ Նյու Յորքում ՄԱԿ Գլխավոր վեհաժողովի շրջանակում։ Նման մակարդակի շփումների արդյունք պետք է եւ կարող են դառնալ ուղղակի եւ դրական դիվիդենդները։ Մենք կոչ ենք անում կողմերին պայմանավորվել կոնկրետ միջոցների մասին, որոնք քննարկվել են այս տարի, կոնկրետ հումանիտար միջոցների եւ անվտանգության միջոցների մասին, որպեսզի բնակչությունը պատրաստվի խաղաղության եւ լարվածության թուլացման։

Մենք նաեւ ողջունում ենք կալանավորվածների միաժամանակյա ազատ արձակումը, որը տեղի է ունեցել հունիսի 28-ին»,- ասվում է հայտարարությունում։ Գիլմորն ընդգծել է, որ պայմանավորվածությունները բավարար չեն, եւ կոչ է արել կողմերին «այդ պայմանավորվածությունները վերածել կոնկրետ գործողությունների արդեն այսօր»։ 

Նրա կարծիքով՝ եկել է ժամանակը, որպեսզի երկրների բնակչությանը պատրաստեն խաղաղության եւ ձեռնպահ մնալու փոխադարձ մեղադրանքներից եւ կշտամբանքներից։ «Միացյալ Նահանգները աջակցում է վստահության ամրապնդման եւ հայերի ու ադրբեջանցիների միջեւ երկխոսության ընդլայնման միջոցներին, որոնք կարող են կայունացնել իրավիճակը անվտանգության ասպարեզում եւ ստեղծել ավելի կառուցողական մթնոլորտ բանակցությունների համար։ Նրանք, ովքեր մասնակցում են երկխոսությանը, պետք է հնարավորություն ունենան դա անել ազատ եւ առանց հետապնդումների կամ մեղադրանքների վախի տուն վերադառնալուց հետո։

Դեսպան Կասպրշիկ, մենք ողջունում ենք տեղերում իրավիճակի ձեր գնահատականը, եւ մենք գնահատում ենք ձեր թիմի ջանքերը կողմերի միջեւ թափանցիկության եւ վստահության ամրապնդման ուղղությամբ։ Այդ աշխատանքն անփոխարինելի է եւ վայելում է մեր լիակատար աջակցությունը։ Մենք գնահատում ենք ձեր սերտ համագործակցությունը համանախագահների միջնորդական ու կողմերի ջանքերին աջակցելիս՝ տեղերում կայունության ամրապնդման գործում։

Հակամարտությունը ռազմական լուծում չունի, եւ ստատուս-քվոն անընդունելի է։ ԱՄՆ-ը կողմ է կողմերի հետ համագործակցությանը՝ ամուր եւ խաղաղ լուծում գտնելու ուղղությամբ՝ հիմնված մասնակից պետությունների համար ընդհանուր՝ ուժի կամ ուժի սպառնալիքի չկիրառման, տարածքային ամբողջականության եւ հավասար իրավունքների, ինչպես նաեւ ժողովուրդների ինքնորոշման սկզբունքների վրա, որոնք արտացոլված են Հելսինկյան եզրափակիչ ակտում, որը կարեւոր գործիքն է մնում ԵԱՀԿ անդամ պետությունների գործունեության եւ սկզբունքների մեջ»,- ասվում է ԱՄՆ ներկայացուցչի հայտարարությունում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արցախի դեպքում վիճելի բան չկա. դա մեր տարածքն է. Պարգեւ արքեպիսկոպոս Մարտիրոսյան
Արդեն ավելի քան 30 տարի այդ ճանապարհին կանգնած ենք և թանկ գին ենք վճարել...
«Դա Ադրբեջանի տոտալ ֆիասկոն էր». Հայկ Կոնջորյանը՝ ԵԱՀԿ ԽՎ ձմեռային նստաշրջանի մասին
Վերջին 10 տարվա ընթացքում սա առաջին հռչակագիրն է, որտեղ ամբողջ համատեքստում նշվում է, որ Ղարաբաղյան հակամարտությունը պետք է լուծվի այդ երեք սկզբունքների հիման վրա…
«Ժողովուրդ». Ովքե՞ր են օգնել Նիկոլ Փաշինյանին պատրաստվել Իլհամ Ալիեւի հետ հանդիպմանը
Արդյոք պատասխանատու բոլոր օղակները կատարել էին իրենց աշխատանքը, թե ոչ՝ ցույց տվեց մյունխենյան հանդիպումը...
Ղարաբաղյան հիմնախնդրով բանակցությունների ընթացքը մեզ չի գոհացնում. ՀՅԴ
Այսօր մենք պետք է աշխատենք միջազգային մակարդակում Ղարաբաղի անկախության ճանաչման ուղղությամբ…
Կան թեկնածուներ, որոնք «դաբրոյով» են մտել ընտրապայքարի մեջ. Վիտալի Բալասանյան. Tert.am
Այս ընտրություններն աչքի են ընկնում նաև իրենց ակնհայտ կոմերցիոն բաղադրիչով…
Ադրբեջանի կողմից հայտարարված «դիվերսիան» ուղղակի լավ հեքիաթ է, ադրբեջանական հանրության համար. ՊՆ խոսնակ
ՀՀ ԶՈւ-երը ընդամենը պատասխանել են ադրբեջանական սադրանքներին, որի արդյունքները ինքներդ եք տեսնում…