News
Լրահոս
News
Հինգշաբթի
Մարտ 28
Տեսնել լրահոսը


Հանրային խորհրդի նախագահ Վազգեն Մանուկյանը ապրիլյան պատերազմն անվանեց լայնածավալ պատերազմ. ես կարծում եմ այդպիսի գնահատական տալը ժամանակավրեպ է. ինքը չէր կարող իր տեղեկատվության սահմաններում նման գնահատականներ հնչեցնել: Այս մասին, այսօր՝ նոյեմբերի 8-ին, ԱԺ-ում լրագրողների հետ զրույցում նշեց Ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը:

Նա հավելեց, որ մենք պետք է լայնածավալ պատերազմին պատրաստ լինենք, որ եւ զոհերը լինեն քիչ, եւ մեր հաջողությունները լինեն ծանրակշիռ:

Հարցին, թե արդյոք ապրիլյան պատերազմը դավադիր է եղել՝ հաշվի առնելով, որ պաշտպանության նախարարը բացառեց դա, Քոչարյանը պատասխանեց. «Նախարարը նաեւ մի հետաքրքիր բան ասաց, որ դավադրություններ կարող են լինել այլ կողմերից: Ադրբեջանի դավադրություն ինչի հիման վրա էլ պլանավորված. Որ սա դավադրություն էր խաղաղության դե՞մ: Ինչն էր Ադրբեջանին հույս տվել, որ նա այդպիսի գործողությունների է դիմել»:

Նա ընդգծեց, որ չի կարելի չգնահատել, որ մեր բանակը լուծել է Ադրբեջանի դավադրությունը կանխելու խնդիրը, մեր զինվորների հերոսապատման շնորհիվ:

Հարցին, թե երբ է ավարտելու իր աշխատանքը իրենց հանձնաժողովը, Անդրանիկ Քոչարյանն ասաց. «2019-ի ընթացքում ինչ-որ պահի հանձնաժողովը  կսկսի ի մի բերել իր ձեռքի տակ եղած նյութերը, այսինքն կաշխատի եզրակացությունների վրա: Այսինքն 2019-ից հետո այլեւս կարիք չլինի մարդկանց հանձնաժողով հրավիրելու»:

!
Այս նյութը հասանելի է նաև   Русский
Տպել
Ամենաշատ