Ավստրալիայում բռնկված անտառային հրդեհները դարձել են 2 մարդու մահվան պատճառ, 30-ը վիրավորվել է, կան նաեւ անհետ կորածներ, հայտնում է Associated Press-ը:
Նշվում է, որ փոթորկվող տարերքի հետեւանքով ավերվել է մոտ 150 տուն:
Դիակներից մեկը հայտնաբերվել է փողոցում, ավտոմեքենայի մոտ: Հրդեհի երկրորդ զոհը կին էր, ում հայտնաբերել են ուժեղ այրվածքներով անգիտակից վիճակում: Նա ավելի ուշ հիվանդանոցում մահացել էր:
Ավստրալիայի Նոր Հարավային Ուելս նահանգում բռնկված անտառային հրդեհների դեմ պայքարում են մոտ 1500 հրշեջներ:
Տեղի հրշեջ ծառայության կոմիսար Շեյն Ֆիցսիմոնսը հայտնում է, որ ուժգին քամու հետեւանքով հրդեհներն առավել ինտենսիվ են երկրի հյուսիս-արեւելքում:
Նահանգի տարածքում ընդհանուր բռնկվել է մոտ 70 հրդեհ:
Ֆիցսիմոնսի խոսքով՝ նահանգում անհետ կորածների թիվը կարող է աճել:
