News
Լրահոս
News
Երկուշաբթի
Դեկտեմբեր 06
Տեսնել լրահոսը

Ողջունում ենք սահմանին եւ շփման գծում համեմատական կայունության պահպանումը: Կարծում ենք, որ լարվածության հետագա նվազեցումը կկարողանար նպաստել այնպիսի մթնոլորտի ստեղծմանը, որը կնպաստեր բանակցային գործընթացին, «Մեդիամաքս» գործակալության հետ հարցազրույցում ասել է Ռուսաստանի ԱԳ նախարար Սերգեյ Լավրովը:

Ինչ վերաբերում է Լեռնային Ղարաբաղի վերջնական իրավական կարգավիճակի մասին հարցին, ապա այն դասվում է առավել բարդ հարցերի թվին, նշել է Սերգեյ Լավրովը:

«ԵԱՀԿ Մինսկի խմբի համանախագահող երկրների ղեկավարները բազմիցս հայտարարել են, որ կարգավիճակը պետք է քաղաքական ճանապարհով որոշվի բանակցությունների ընթացքում՝ իրավաբանորեն պարտավորեցնող կամարտահայտման հիման վրա: Այս աշխատանքի չափանիշները՝ ներառյալ կազմակերպական ասպեկտները, կողմերը դեռ պետք է համաձայնեցնեն»,- ընդգծել է ՌԴ ԱԳՆ ղեկավարը:

Սերգեյ Լավրովը նաեւ պատասխանել է այն հարցին, թե ինքն արդյոք հնարավոր համարո՞ւմ է Հայաստանի եւ Թուրքիայի հարաբերությունների կարգավորման գործընթացի վերկենդանացումը՝ առանց այն կապելու ղարաբաղյան հակամարտության կարգավորմանը, եւ Ռուսաստանն արդյոք պատրա՞ստ է դրանում դերակատարում ունենալ:

«Մեկնաբանելով արձանագրությունների ստորագրման արդյունքները՝ ես մեր երկրի անունից հայտարարել եմ, որ Ռուսաստանը պատրաստ է այս գործընթացին աջակցել Հայաստանի եւ Թուրքիայի հետ համագործակցության նախագծերի հետագա իրականացման միջոցով, առաջին հերթին՝ էներգետիկ եւ տրանսպորտա-հաղորդակցային ոլորտներում»,- ասել է Սերգեյ Լավրովը:

Նրա խոսքով՝ հայ-թուրքական հարաբերությունների կարգավորումը առաջին հերթին Երեւանի եւ Անկարայի երկկողմ օրակարգի հարց է:

«Ցավոք, այս փուլում մեր գործընկերներին առայժմ չի հաջողվում հասնել դիվանագիտական հարաբերությունների վերականգնմանը: Հույս ունենք, որ Հայաստանն ու Թուրքիան կշարունակեն այս ուղղությամբ աշխատել: Կարծում ենք, որ նման հնարավորություններ կան: Մեր կողմից պատրաստ ենք կողմերին անհրաժեշտ օժանդակություն ցույց տալ: Առավել եւս, որ հայ-թուրքական առկա տարաձայնությունների արագ կարգավորումը կծառայեր Անդրկովկասում ընդհանուր քաղաքական մթնոլոտի առողջացմանը, այնտեղ անվտանգության եւ կայունության ամրապնդմանը»,- նշել է Ռուսաստանի ԱԳՆ ղեկավարը:

Սերգեյ Լավրովը նաեւ նշել է Երեւանի արտաքին քաղաքականության հավասարակշռված բնույթը:

«Մեր կարծիքով՝ Երեւանի վարած արտաքին քաղաքականությունը հավասարակշռված, պատասխանատու բնույթ ունի: Նշում ենք հայ բարեկամների հանձնառությունը Ռուսաստանի հետ ռազմավարական գործընկերության եւ դաշնակցության պահպանմանն ու ամրապնդմանը, հետխորհրդային տարածքում տարբեր բազմակողմ միավորումներին եռանդուն մասնակցությանը»,- նշել է նա:

ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտնել էր, որ Ռուսաստանի ԱԳՆ ղեկավար Սերգեյ Լավրովը նոյեմբերի 10-11-ը պաշտոնական այցով կայցելի Երեւան:

Նրա խոսքով՝ այցի շրջանակում տեղի կունենան Լավրովի հանդիպումները Հայաստանի վարչապետ Նիկոլ Փաշինյանի, նախագահ Արմեն Սարգսյանի, ինչպես նաեւ ԱԳ նախարար Զոհրաբ Մնացականյանի հետ: Հանդիպումների ժամանակ կքննարկվեն երկկողմ համագործակցության հարցեր, այդ թվում՝ ՀԱՊԿ-ի եւ ԵՏՄ-ի շրջանակում, ինչպես նաեւ տարածաշրջանային անվտանգության եւ ղարաբաղյան հակամարտության խաղաղ կարգավորման հարցեր:

Լավրովն այցի շրջանակում կայցելի Ծիծեռնակաբերդի Հայոց ցեղասպանության հուշահամալիր եւ պսակ կդնի ի հիշատակ անմեղ զոհերի:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի որոշ դեսպաններ դեսպանընկալ երկրներում շատ վտանգավոր թեզ են առաջ տանում. Սուրեն Սարգսյան
Ընդունող երկրներում սա ընկալվում է Արցախից ամբողջությամբ հրաժարվելու դիրքորոշում, որին…
ԵԱՀԿ ՄԽ համանախագահները ողջունում են ղարաբաղյան կարգավորման հարցում Ռուսաստանի միջնորդությունը. Լավրով
«Ռուսաստանի, ԱՄՆ-ի եւ Ֆրանսիայի նախարարները՝ որպես ԵԱՀԿ Մինսկի խմբի համանախագահող երկրներ, ղարաբաղյան կարգավորման վերաբերյալ հայտարարություն են ընդունել...
Միրզոյանը հանդիպել է ԱՄՆ պետքարտուղարի հետ․ հանգամանալից անդրադարձ է կատարվել ԼՂ հակամարտությանը
Քննարկվել են միջազգային եւ տարածաշրջանային անվտանգությանն առնչվող հարցեր․․․
Վարչապետն ընդունել է Ռամկավար ազատական կուսակցության ներկայացուցիչներին․ անդրադարձ է եղել նաեւ ԼՂ հիմնախնդրին
Քննարկվել են նաեւ Հայաստան-Սփյուռք կապերի ամրապնդմանը, կառավարության ծրագրերին վերաբերող մի շարք հարցեր․․․
Միջխորհրդարանական միության վեհաժողովում ԱԺ նախագահն անդրադարձել է ԼՂ հակամարտության լուծման անհրաժեշտությանը
Ելույթում անդրադարձ է եղել նաեւ երիտասարդության, Հայաստանում լրատվամիջոցների ազատության, կանանց իրավունքների հարցերին…
Հույսներս մենք ենք ու մեր սարերը. միջազգային հանրությանը քիչ է հետաքրքրում Արցախի հարցը. Էդմոն Մարուքյան
Նա ընդգծել է`պետք է լավ աշխատանք տանել նաև միջազգային հարթակներում...
Ամենաշատ