Սիրիայում ԱՄՆ-ի գործողություններն անօրինական են: Այս մասին նոյեմբերի 11-ին Երեւանում մամուլի ասուլիսի ժամանակ հայտարարել է ՌԴ ԱԳՆ ղեկավար Սերգեյ Լավրովը:
«Չեմ հասցնում հետեւել Սիրիայում ԱՄՆ-ի մշտապես փոփոխվող քաղաքականությանը: Սիրիան թալանելու եւ նավթային հանքերը վերահսկելու նրանց փորձը հակաօրինական է: Դա սիրիական կարգավորմանը ոչ մի լավ բան չի խոստանում: Դա լուրջ սպառնալիք է Սիրիայի այդ հատվածի համար: Մենք պնդում ենք, որ սիրիական բանակը պետք է հնարավորինս շուտ զբաղեցնի իր պետության ողջ տարածքը: Միայն դա կարող է վերջ դնել ահաբեկչությանն ու լուծել քաղաքական վերջնական կարգավորման հետ կապված բոլոր հարցերը»,- նշել է նա:
