Այն, ինչ տեղի է ունենում Հայաստանում, չի կարող չազդել Արցախի իրավիճակի վրա: Այս մասին նոյեմբերի 11-ին լրագրողների հետ հանդիպման ժամանակ հայտարարել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
Նրա խոսքով՝ Հայաստանն ու Արցախը «հաղորդակից անոթներ են, եւ այն, ինչ տեղի է ունենում Արցախում, կախված է Հայաստանի իրավիճակից, եւ հակառակը»: «Ես շփվել եմ Արցախի բնակիչների, ակտիվիստների, երիտասարդության հետ, եւ նրանք, ինչպես ինձ թվաց, Հայաստանը ոչ միշտ են ադեկվատ պատկերացնում: Եվ հենց այդ պատկերացումները չեն կարող չազդել, եւ, իհարկե, ազդեցություն կլինի»,- պարզաբանել է Իսկանդարյանը՝ հավելելով, որ դժվար թե ՀՀ վարչապետ Նիկոլ Փաշինյանի ընտրությունից կամ որոշումից կախված կլինեն Արցախի ընտրությունների արդյունքները:
Ընդ որում, փորձագետը չի բացառել, որ Արցախի բնակիչները ընտրություն կկատարեն՝ նայելով Հայաստանի օրինակին, սակայն, այդուհանդերձ, ինքնուրույն ընտրություն կկատարեն: