Սեպտեմբերին NASA-ի աստղագնացները երեք օր անցկացրել են փչովի մոդուլի լիաչափ նախատիպի մեջ, որտեղ Մարս թռչող մարդիկ են ապրելու։ Հեղինակը՝ Bigelow Aerospace-ը, պատրաստվում է տիեզերք ուղարկել ոչ միայն աստղագնացների, այլեւ զբոսաշրջիկների։ Եվ ո՛չ մի հոգու։ Որոշ ընկերություններ արդեն ուղեծրային հյուրանոցների պատվերներ են ընդունում, տեղեկացնում է HighTech-ը՝ հղում կատարելով BI-ին։
Ուղեծրային հյուրանոցների կոնստրուկցիան կարող է տարբեր լինել. ինչ-որ մեկն օգտագործում է ստուգված փչովի մոդուլներ, ոմանք դա անում են համատիրությունների հույսով, իսկ ոմանք էլ, ոգեւորված «Տիեզերական ոդիսական 2001-»-ով, մտադիր են կառուցել հսկայական պտտվող անիվ արհեստական ձգողականությամբ։
«Վաղ թե ուշ թռիչքը տիեզերք դառնալու է արձակուրդն անցկացնելու ձեւերից մեկը՝ ինչպես շրջագայությունը կամ Դիսնեյլենդ ուղեւորությունը»,- ասել է Van Braun անիվ-տիեզերակայանի ճարտարապետ Թիմ Ալաթորեն։
Նրա մտահղացմամբ՝ ուղեծրային հյուրանոցը բաղկացած կլինի յուրաքանչյուրը 500 քառակուսի մետր ունեցող 24 մոդուլներից։ Մինչեւ 2025 թվականը Gateway Foundation ընկերությունը մտադիր է պատրաստել բացմանն անհրաժեշտ ամեն ինչ։
Զեկույցում, որը վերջերս ներկայացրել են վեց գիտնականներ եւ ֆուտուրոլոգներ Մեծ Բրիտանիայից, նույնպես կան շքեղ տիեզերական հյուրանոցներ, որոնք պտտվում են ոչ միայն Երկրի շուրջ, այլ նաեւ լուսնային ուղեծրում եւ այլ մոլորակների շուրջ։
Հյուրանոց ուղեծրում՝ յոթ համարով, նախատեսել էր նաեւ ռուսաստանյան Orbital Technologies ընկերությունը։ Ենթադրվում էր, որ հյուրերը կապրեն ՄՏԿ հիշեցնող համարներում, հնգական օր, եւ կվճարեն 1-ական մլն դոլար։ Մտահղացումը այդպես էլ չիրականացավ, բայց 2014 թվականին այն գնեց ամերիկյան Sierra Nevada Corporation-ը, որը հույս ունի տիեզերք ուղարկել Aurora в 2021 տիեզերակայանը եւ այն բացել զբոսաշրջիկների համար։ Պատվերներն արդեն ընդունվում են, կարելի է ուղեծրում գտնվելու տոմս պատվիրել 80 հազար դոլարով։
Ի տարբերություն սովորական հյուրանոցի, Aurora-ի հյուրերը կօգնեն գիտական փորձերի անցկացմանը եւ կայանի կառավարմանը, իսկ թռիչքից առաջ երեք ամիս մարզումներ կանցնեն։
Մի նախագիծ էլ մտածել են MIT ուսանողները՝ NASA-ի մրցույթի հաղթողները։ Նրանք կառուցել են «լյուքս» դասի հյուրանոց՝ Երկրի տեսքով, ութ համարներով, ռեստորանով, բարով եւ մարզադահլիճով։ Դրա բացումը նախատեսվում է 2025 թվականին, իսկ 2038-ին կայանը կարելի կլինի վերասարքավորել Մարս թռչելու համար։
Bigelow Aerospace-ի «դուստրը»՝ Bigelow Space Operations (BSO), նախատեսում է հյուրանոց բացել հենց ՄՏԿ-ում։ Չորս զբոսաշրջիկների խմբին ուղեծիր կհասցնի SpaceX հրթիռը, իսկ Երկրի տեսքով հյուրասենյակներում նրանք կարող են ապրել ամբողջ երկու ամիս։