Հայաստանի կառավարությունը 500 հազար դոլար է հատկացնելու ավերիչ երկրաշարժից տուժած Ճապոնիային:
Նման որոշում է կայացվել կառավարության այսօրվա` ապրիլի 7-ի նիստում:
9 մագնիտուդով երկրաշարժը տեղի էր ունեցել Ճապոնիայում մարտի 11-ին: Այն հզոր ցունամի էր առաջացրել, որը մաքրել էր ամբողջ գյուղեր եւ քաղաքներ:
Վթարներ էին եղել «Ֆուկուսիմա-1» եւ «Ֆուկուսիմա-2» ատոմակայաններում, որտեղ ռադիացիայի արտահոսք էր եղել:
Ճապոնիայում տարերքի զոհերի թիվը վերջին տվյալներով կազմում է 12,6 հազար: