Ռոբերտ Քոչարյանի փաստաբանները դատարան ներկայացրեցին մի շարք այլ միջնորդություններ: Այս մասին լրագրողների հետ զրույցում հայտնեց փաստաբան Հովհաննես Խուդոյանը:

Միջնորդությունները վերաբերում են դատավարության դադարեցմանը, ապացույցների թույլատրելիությանը, մասնակիցների կազմին: Այսինքն՝ այս փուլում միջնորդությունները չեն սպառվել, նշեց փաստաբանը:

Հիմա դատարանը հեռացել է խորհրդակցական սենյակ քննարկելու ինքնաբացարկի մասին միջնորդությունը: Հավանաբար, այսօր էլ կքննարկվի դատախազ Պետրոսյանին բացարկի միջնորդությունը: «Կապված դատավարական կոպիտ խախտումների հետ»,- նշեց փաստաբանը: 

Ի պատասխան այն հարցին, թե կարելի՞ է արդյոք սպասել, որ դատավարությունը կսկսվի մինչեւ տարեվերջ, փաստաբանը նկատեց, որ ամեն ինչ կախված կլինի հակառակ կողմի պահվածքից: «Եթե 10-րոպեանոց միջնորդությունները ժամերով քննարկվեն…»,- պարզաբանեց փաստաբանը