News
Լրահոս
News
Երեքշաբթի
Դեկտեմբեր 10
USD
478.02
EUR
529.5
RUB
7.52
ME-USD
0.06
Տեսնել լրահոսը

ԵԿՄ նախկին նախագահ Մանվել Գրիգորյանի պաշտպանները Մանվել Գրիգորյանի և Նազիկ Ամիրյանի գործով դատավոր Մնացական Մարտիրոսյանին ինքնաբացարկի միջնորդություն ներկայացրին, որից հետո դատարանը գնաց խորհրդակցական սենյակ։ Պաշտպանները նիստը նախագահող դատավորին մեղադրեցին կանխակալ վերաբերմունքի մեջ։

Գործով դատախազն էլ հայտարարեց, որ ինքնաբացարկի միջնորդությունը որևէ կերպ փաստարկված և հիմնավորված չէ․ «Իրենց կողմից նշանակված այդ գնահատականները ոչ միայն սուբյեկտիվ ընկալման արդյունք են, այլև փորձում են խեղաթյուրել 2 տարբեր իրավական ինստիտուտներ և ստանալ ցանկալի պատասխաններ։ Նման միջնորդությունը որևէ կերպ հիմնավորված չէ։ Մանվել Գրիգորյանի ներկայիս առողջական վիճակը չի հանդիսանում խոչընդոտ դատական նիստերին մասնակցելու համար։ Պարզապես նրա տեղաշարժը կարելի է ապահովել կողմնակի անձանց և սարքավորումների օժանդակությամբ»։

Դատախազի հայտարարությունից հետո դատարանը գնաց խորհրդակցական սենյակ և թույլ չտվեց պաշտպան Լևոն Բարսեղյանին հայտարարություն անել։

Նշենք, որ Մանվել Գրիգորյանը ներկայացել է դատարան անվասայլակով, նրան միացված է թթնածնային սարքավորում։ Նիստերի դահլիճ մտնելիս ամբաստանյալին իր աջակիցները դիմավորեցին ծափահարություններով։

Հիշեցնենք, որ Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու եւ շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նազիկ Ամիրյանը մեղադրվում է ամուսնու, որդու՝ Արման Գրիգորյանի եւ քննությամբ չպարզված այլ անձանց հետ նախնական համաձայնությամբ ապօրինի կերպով իրենց պատկանող երեք տներում ռազմամթերք, պայթուցիկ նյութեր պահելու, ինչպես նաեւ տարբեր տեսակի հափշտակություններ կատարելու մեջ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
8 տարի ցանկացել եմ տղա ունենալ. ծնողները պտղի մահվան համար մեղադրում են բժիշկներին
Հենց տանում են Վարդենիսի ծննդատուն կամ ծննդկանին կամ երեխային մի բան պատահում է...
Կոնգրեսական դեմոկրատները նախագահի դեմ երկու հոդվածով մեղադրանք են ներկայացրել
Ջերալդ նադլերը հայտարարել է, որ նախագահի գործողությունները վնաս են պատճառել ազգային անվտանգությանը․․․
Ճապոնիայի պաշտպանության նախկին նախարարի վրա կրակել են իր տան մոտ
Իր տան մոտ կրակել են Ճապոնիայի պաշտպանության նախկին նախարարի վրա...
Անաչառ չէ. Նազիկ Ամիրյանի պաշտպանը դատավորին ինքնաբացարկի միջնորդություն է ներկայացրել
Այս նիստին պետք է ապացույցների հետազոտման փուլ անկացվեր...
Դատավոր Ռուբեն Ներսիսյանին նկատողություն հայտարարվեց. ԲԴԽ-ն բավարարել է Բադասյանի միջնորդությունը
Դատավորին պատասխանատվության ենթարկելու միջնորդությունը ներկայացրել է Արդարադատության նախարարը...
Բացահայտվել են տարբեր մարզերում ավտոմեքենաներից կատարված գողությունների հինգ տասնյակ դեպքեր
Քննությամբ ձեռք բերված տվյալների համաձայն՝ Երևան քաղաքի բնակիչը՝ ծնված 1988թ․․․
Ամենաշատ