News
Լրահոս
News
Երկուշաբթի
Դեկտեմբեր 16
USD
477.51
EUR
533.9
RUB
7.66
ME-USD
0.05
Տեսնել լրահոսը

Նոյեմբերի 12-ից 13-ն Երեւանում անցկացվել է «Антиконтрафакт–2019» 7-րդ միջազգային համաժողով, որին մասնակցել են նաեւ Պետական եկամուտների կոմիտեի ներկայացուցիչները:   Համաժողովում քննարկվել են մտավոր սեփականության իրավունքների պաշտպանության եւ արդյունաբերական արտադրանքի ապօրինի շրջանառության դեմ պայքարի խնդիրները:

Պետական եկամուտների կոմիտեի մասնագետները մասնակցել են «Մտավոր սեփականությունը ԵԱՏՄ-ում․ ապագան առանց կեղծված արտադրանքի» թեմատիկ քննարկումներին: ՊԵԿ տեղեկատվական տեխնոլոգիաների վարչության ռիսկերի վերլուծության եւ կառավարման բաժնի պետ Ռաֆայել Գրիգորյանը համակարգել է «Մաքսային մարմինների դերը եւ խնդիրները մտավոր սեփականության իրավունքների պաշտպանության ոլորտում» թեմայով կլոր սեղանի աշխատանքները: Մասնակիցներն անդրադարձել են մաքսային մարմինների եւ մասնավոր կազմակերպությունների համագործակցության անհրաժեշտությանը եւ հեռանկարներին՝ մտավոր սեփականության իրավունքների արդյունավետ պաշտպանության եւ ապրանքների ապօրինի շրջանառությանը հակազդելու նպատակով։ Երկօրյա համաժողովում քննարկվել են նաեւ մտավոր սեփականության պաշտպանության ոլորտում մաքսային մարմինների առջեւ ծագող մարտահրավերները, դրանց հաղթահարման ուղիները:

ՊԵԿ իրավաբանական վարչության մաքսային գործի եւ մտավոր սեփականության պաշտպանության ընթացակարգերի բաժնի պետ Անդրանիկ Գեւորգյանը եւ տեղեկատվական տեխնոլոգիաների վարչության ռիսկերի վերլուծության եւ կառավարման բաժնի գլխավոր մաքսային տեսուչ Ռուզաննա Կուսիկյանը ներկայացրել են Հայաստանում մտավոր սեփականության պաշտպանության միջոցներն ապահովող իրավական դաշտն ու դատական պրակտիկան եւ ՊԵԿ-ի կողմից ռիսկերի կառավարման համակարգի շրջանակում կիրառվող մտավոր սեփականության իրավունքների պաշտպանության գործիքակազմը, որով ՀՀ պետական եկամուտների կոմիտեն հաղթող է ճանաչվել Թբիլիսիում կայացած  «GITI 2019» կիբերանվտանգության եւ ՏՏ նորարարությունների կոնֆերանսի շրջանակներում անցկացված մրցույթում՝ «Լավագույն առցանց տեղեկատվական ռեսուրս» անվանակարգում։

Նշենք, որ «Антиконтрафакт» համաժողովը Եվրասիական տնտեսական միության շրջանակում քննարկումների կարեւոր հարթակ է, որը հնարավորություն է ընձեռում ԵԱՏՄ անդամ պետությունների պետական կառավարման մարմինների ներկայացուցիչներին, խոշոր կազմակերպությունների ղեկավարներին, միջազգային փորձագետներին, գիտության եւ հանրության  ներկայացուցիչներին համատեղ քննարկել արդյունաբերական արտադրանքի ապօրինի շրջանառության, այդ թվում՝  կեղծված արտադրանքի շրջանառության, շուկաների պաշտպանության խնդիրները, ինչպես նաեւ կառուցողական երկխոսության արդյունքում մշակել համատեղ լուծումներ ընդհանուր քաղաքակիրթ շուկայի ձեւավորման համար:

!
Այս նյութը հասանելի է նաև   English
Տպել
Կարդացեք նաև
Ամբողջը
Պուտինը հավանություն է տվել ԵՏՄ-ում կենսաթոշակային ապահովման համաձայնագրի ստորագրման առաջարկին
Համաձայնագրի շուրջ աշխատանքը տեւել է մի քանի տարի...
Անհրաժեշտ է միլիոնավոր մարդկանց պարզաբանել ԵՏՄ-ին անդամակցության օգուտը. փորձագետ
2019 թվականն անչափ հաջող էր հայ-ռուսական հարաբերությունների համար…
ԵՏՄ-ն կքննարկի արտասահմանից ծանրոցների անտուրք ներկրման շեմի նվազեցումը
ԵՏՄ երկրները պայմանավորվել են նվազեցնել անտուրք ներկրման շեմը արտասահմանյան ինտերնետ-խանութներից...
ԵՏՄ-ից 100 000 դոլարից ավել տանող ֆիզիկական անձանց կպարտադրեն հաստատել դրա ծագումը
Նման որոշում ԵՏՄ կոլեգիայի կողմից կայացվել է 2019թ․ օգոստոսի սկզբին․․․
ՀՀ ԱԺ-ում քննարկել են Վիետնամի հետ ԵՏՄ երկրների Տեղեկությունների փոխանակման մասին համաձայնագիրը
Հայաստանը, ինչպես եւ ԵՏՄ անդամ մյուս երկրները, շահագրգռված է Վիետնամի հետ տեղեկությունների փոխանակմամբ…
ՀՀ ԱԺ-ը քննարկել է ԵՏՄ ֆինանսական օրենսդրության մասին համաձայնագրի վավերացման հարցը
Համաձայնագիրն ուղղված է ԵՏՄ անդամ պետությունների ֆինանսական օրենսդրության ներդաշնակեցմանը...