Մենք պետք է բարձր շեմ ապահովենք նորարարական տեխնոլոգիաների ներգրավման եւ զարգացման հարցում: Օրինակ, Արաբական միացյալ էմիրություններում հեքիաթից գումար են վաստակում. նրանք Ալադդինի քաղաք են կառուցում հենց ծովում: Այս մասին նոյեմբերի 14-ին ԱԺ նիստում 2020-ի պետբյուջեի նախագծի քննարկման ընթացքում հայտարարեց «Իմ քայլի» պատգամավոր Հովհաննես Հովհաննիսյանը՝ դիմելով էկոնոմիկայի նախարար Տիգրան Խաչատրյանին:
Պատգամավորի խոսքով՝ Հայաստանում կան համաշխարհային հայտնի ավանդույթներ, սակայն մենք դրանից չենք կարողանում գումար վաստակել: «Օրինակ մեզ մոտ հուշանվերների հավաքածուի հետ կապված չունենք այն բազմազանությունը, որպեսզի պահանջարկ ապահովենք: Ես հասկանում եմ, որ սա անձնական հարց է, սակայն բիզնեսի եւ պետության գործընկերության շնորհիվ հնարավոր կլինի շատ հարցեր լուծել»,- պարզաբանեց Խաչատրյանը:
Նախարարն, իր հերթին, ասաց, որ մասնավոր սեկտորը կառավարությանը մի քանի նախաձեռնություն է ներկայացրել: «Մենք դիտարկում ենք դրանք եւ կտեսնենք, թե ինչ կարելի է ակնկալել այս կամ այն նախաձեռնությունից, եւ թե ինչ կարող ենք անել մրցակցային հիմքով, որպեսզի դրանք իրականացվեն»,- վստահեցրեց նախարարը: Ընդ որում, նար խոսքով, տարվա ընթացքում դեռեւս այդ հարցով ասելիք կլինի: