Զբոսաշրջության զարգացման հարցում Հայաստանի կառավարությունը հատուկ ուշադրություն կհատկացնի ենթակառուցվածքների զարգացմանը։ Այս մասին Ազգային ժողովի նիստում, 2020 թվականի պետական բյուջեի նախագծի քննարկման ընթացքում, նոյեմբերի 14-ին ասաց Հայաստանի էկոնոմիկայի նախարար Տիգրան Խաչատրյանը՝ պատասխանելով «Իմ քայլը» կառավարող դաշինքի պատգամավոր Հովհաննես Հովհաննիսյանի հարցին։
Նախարարի խոսքով՝ Հայաստան այցելող զբոսաշրջիկներն ավելի հաճախ բողոքներ եւ դժգոհություն են հայտնում տեսարժան վայրեր տանող ճանապարհների ոչ պատշաճ որակից։ «Այսինքն՝ ներդրումների մի մասը, որոնք մենք նախատեսել էինք իրականացնել 2020 թվականին, կգնան այդ թվում եւ այս խնդրի լուծմանը»,- ասել է նախարարը՝ ավելացնելով, որ զբոսաշրջային տեսարժան վայրեր տանող ճանապարհները պետք է լրացվեն ճանապարհային նշաններով եւ բաներներով, որպեսզի խնայեն ժամանակը եւ հանրապետության հյուրերի նյարդերը։