News
Լրահոս
News
Ուրբաթ
Դեկտեմբեր 06
USD
477.94
EUR
530.13
RUB
7.49
ME-USD
0.06
Տեսնել լրահոսը

NEWS.am–ի տեղեկություններով՝  նախօրեին Մոսկվայում սպանված միջազգային կարգի սպորտի վարպետ, թայ-բոքսի աշխարհի բազմակի չեմպիոն Աշոտ Բոլյանը Մոսկվայում հայտնի գործարար էր, կապեր ուներ Չեչնիայի իշխանությունների, ինչպես նաև քրեական աշխարհի ներկայացուցիչների հետ. նա երկար տարիներ պաշտոններ է զբաղեցրել ՌԴ տարբեր ուժային կառույցներում։

Բոլյանը նախկինում մտերիմ հարաբերություններ է ունեցել քրեական հեղինակություն՝ «Կայարացի Թևոսիկ» անունով հայտնի Թևոս Սաֆարյանի, նրա եղբոր՝ սպանված Արթուր Սաֆարյանի և վերջինիս սպանությունը պատվիրելու համար դատապարտված Իսրայել Սարգսյանի (Իսոյի) հետ։

Աշոտ Բոլյանը Թևոսիկի եղբոր՝ Արթուր Սաֆարյանի սպանության գործով առանցքային վկա էր: 2016թ. փետրվարի 1–ին  Բոլյանը դատարանում ուշագրավ ցուցմունք է տվել և սպանության պատվերի սլաքներն ուղղել նախկին ոստիկան  Տիգրան Ասատրյանի վրա, ով քավոր-սանիկական հարաբերություններ  ուներ Թևոսիկի եղբոր հետ։ Վկան դատարանին հայտնել էր, որ ՌԴ-ում ուժային կառույցներում պատասխանատու պաշտոն է զբաղեցնում և պաշտոնի բերումով գործի նախաքննության ընթացքում տիրապետել է գործի շատ փաստական տվյալների:

Բոլյանի պնդմամբ՝ Իսրայել Սարգսյանն անմեղ է, և կասկածներ է ունեցել, որ հնարավոր է` հանցագործությունը պատվիրել է Տիգրան Ասատրյանը, քանի որ վերջինս դրա համար շարժառիթներ է ունեցել: Մասնավորապես, նրա խոսքով՝ Տիգրանն ասել է, որ Թևոս Սաֆարյանն իրեն ֆինանսապես «գցել է», նրանից վտանգ է զգացել: Խոսքը  միլիոնավոր դոլարների մասին է:

Բոլյանը նախաքննական մարմնին առաջարկել էր և պատրաստակամություն հայտնել հովանավորել, որպեսզի ռուս իրավապահների և մասնագետների հետ գործը բացահայտեն, սակայն մերժում էր ստացել։

Աշոտ Բոլյանի անունը շոշափվում է նաև 2017թ. մարտի 7-ին Արաբկիրի շենքերից մեկի 4-րդ հարկից ցած նետվելով ինքնասպանություն գործած, ԽՍՀՄ հայտնի բռնցքամարտիկ, Եվրոպայի բազմակի չեմպիոն Կամո Սարոյանի դստեր՝ Վարդուհի Սարոյանի գործով։ Ըստ մամուլում տեղ գտած հրապարկումների՝  Բոլյանը փորձել է լուծել խարդախության զոհ դարձած կնոջ ֆինանսական խնդիրները՝ գործին ներքաշելով տարբեր քրեական հեղինակությունների, սակայն այդպես էլ գործը գլուխ չի բերել։

Ինքը՝ Աշոտ Բոլյանը, մշտապես հերքել է իր առնչությունը քրեական աշխարհի ներկայացուցիչների հետ՝ փոխարենը ներկայանալով որպես  սպորտի բնագավառում լուրջ հաջողություններ արձանագրած մարզիկ։

Այնուհանդերձ, Աշոտ Բոլյանը տարիներ շարունակ տարբեր երկրներում բարձրացրել է հայկական դրոշը։ Բաց աղբյուրների տվյալներով՝ 40-ամյա Աշոտ Բոլյանը  Քիկբոքսինգի համաշխարհային պրոֆեսիոնալ ասոցիացիայի վարկածով թաիլանդական բռնցքամարտի աշխարհի եռակի չեմպիոն է, միջազգային տարբեր մրցաշարերի 17-ակի չեմպիոն։ Գլխավորել է Հայկական մարզական ֆեդերացիաների համաշխարհային ասոցիացիան։ Բացի այդ, նա եղել է Մոսկվայում գրանցված «Կարատ» ՍՊԸ գլխավոր տնօրենը, որը կապված է սպորտի ոլորտի հետ։

NEWS.am–ի տեղեկություններով՝ Աշոտ Բոլյանն ամուսնացած էր, երեք երեխայի հայր։

Ավելի վաղ հայտնել ենք, որ Աշոտ Բոլյանը սպանվել է նոյեմբերի 13-ի երեկոյան։ 40-ամյա մարզիկը Նախիմովյան պողոտայում գտնվող տնից դուրս է եկել եւ գնացել դեպի իր ավտոմեքենան, որտեղ անհայտ անձը մի քանի կրակոց է արձակել նրա վրա, այդ թվում՝ գլխին, ու դիմել փախուստի։ Դեպքի կապակցությամբ քննություն է ընթանում ՌԴ Քննչական կոմիտեում։

Լուսանկարները՝ Աշոտ Բոլյանի ֆեյսբուքյան էջից

Տպել
Կարդացեք նաև
Ամբողջը
Վթար Արմավիրի մարզում․ավտոմեքենան դուրս է եկել ճանապարհի երթևեկելի հատվածից և հայտնվել դաշտում
Փրկարարները հոսանքազրկել են ավտոմեքենան և փակել գազի բալոնի փականը․․․
Ինդոնեզիայում 22-ամյա տղամարդը դատապարտվել է մտրակի 100 հարվածի նախաամուսնական սեքսի պատճառով
Պատժի ժամանակ նա կորցրել է գիտակցությունը, նրան օգնություն ցուցաբերելուց հետո շարունակել են պատիժը…
Այն, ինչ պարզվել է Սերգո Կարապետյանի մասով, հայտնի էր վաղուց. ՀԿ նախագահ
Այն, ինչ հայտնի էր Սերգո Կարապետյանի մասով, ինձ համար նորություն չէր, ասել է Հրաչ Բերբերյանը...
Դավիթ Սիմոնյանի դեմքին քերծվածքներ կային, բայց նա պնդում էր, որ մոծակի կծածի հետք է. Հայկ Սարգսյանի պաշտպան
Խոշտանգման միջոցով փորձում են ցուցմունք կորզել…
Մեկ օրում բացահայտվել է 61 հանցագործություն, որից 3-ը՝ նախկինում կատարված
Անցած 1 օրվա ընթացքում հանրապետությունում արձանագրվել է ճանապարհատրանսպորտային 18 պատահար, ինչի հետևանքով 24 մարդ ստացել է տարբեր աստիճանի մարմնական վնասվածքներ...
Բացահայտվել են ավտոմեքենաներից կատարված գողությունների եւ գողության փորձերի երկու տասնյակից ավելի դեպքեր
Քննությամբ ձեռք բերված տվյալների համաձայն՝ Երեւան քաղաքի բնակիչը՝ ծնված 1980թ., ուրիշի զգալի չափերի գույքի գաղտնի…
Ամենաշատ