News
Լրահոս
News
Երկուշաբթի
Դեկտեմբեր 09
USD
478.03
EUR
530.47
RUB
7.5
ME-USD
0.05
Տեսնել լրահոսը


Արդեն մեկուկես տարի Հայաստանի երկրորդ նախագահ Ռոբերտ Քոչարյանի հանդեպ իրականացվում է կոպիտ քաղաքական հետապնդում։ Այս մասին ասել է երկրորդ նախագահի գրասենյակի ղեկավար Վիկտոր Սողոմոնյանը «Վերնատուն» ակումբի նիստում։

«Նոյեմբերի 20-ին կլրանա 11 ամիսը, որ Ռոբերտ Քոչարյանը գտնվում է ապօրինի կալանքի տակ, քաղբանտարկյալի կարգավիիճակում»,- ընդգծել է Վիկտոր Սողոմոնյանը՝ ավելացնելով, որ չի ցանկանում թվարկել մեկուկես տարում բացահայտված բոլոր մանրամասները, դրանց մասին բազմիցս խոսվել է։

Վիկտոր Սողոմոնյանի խոսքով, այս ընթացքում 3 կարեւոր առասպելներ ջարդուփշուր եղան։ Առաջին հերթին՝ նա ընդգծեց, որ պարզվել է՝ Հայաստանի եւ Արցախի նախկին նախագահը, մարդ, որը ղեկավարել է Արցախի ինքնապաշտպանությունը, Ղարաբաղի պաշտպանության պետական կոմիտեն,  ոչ մի կապ չունի մարդկանց սպանությունների հետ։ «Դուք հիշում եք, որ նրա կալանավորումն սկսվել է այն պատրվակով, թե ահա բռնում ենք մարդասպանին: Այսօրվա վարչապետը ուժ ու եռանդ չէր խնայում եւ չէր համբերում հայտարարել, թե ահա «Մարտի 1»-ը ամբողջ ծավալով բացահայտված է, հիմա կտեսնեք, թե ինչ արագ գործը կբացահայտվի: Մենք տեսանք, որ դա բացարձակ կեղծիք էր: Նույն վարչապետն իր ներկայացուցչի միջոցով ստիպված էր հայտարարել, որ խոսելով հեղված արյան մասին՝ նկատի չի ունեցել Քոչարյանին»,- հիշեցրել է Վիկտոր Սողոմոնյանը։

Նա ընդգծեց, որ հարցն անգամ վերաբերում է ոչ թե Ռոբերտ Քոչարյանի անձին, այլ պատմական համատեքստին։

Երկրորդ հերթին՝ Վիկտոր Սողոմոնյանը նշեց, որ կարելի է վստահաբար ասել, մարտի 1-ին տեղի չի ունեցել սահմանադրական կարգի տապալում. դա կեղծիք է եւ պատմությունը վերաշարադրելու անհաջող փորձ։ Ինչպես նշեց Սողոմոնյանը, դժվար է գտնել սթափ մարդու Հայաստանում, որը կպնդեր, որ խաղաղ բնակչությունը ուզում էր ինչ-որ բան անել հաղթած թեկնածուի համար,իսկ չար իշխանությունները տապալեցին սահմանադրական կարգը՝ դա թույլ չտալու համար:

«Դա իրավական ֆուտուրիզմ է կամ սյուռեալիզմ։ Գործի 70-80 հատորներում, որոնք կապ չունեն իրականության հետ, չկա որեւէ ցուցմունք Ռոբերտ Քոչարյանի դեմ։ Ցավով փաստում եմ, որ եթե այսպես շարունակվի, Քոչարյանի հանդեպ կկուտակվեն խախտումների եւս 80 հատորներ»,- նշել է Վիկտոր Սողոմոնյանը։

Երրորդ. երկրորդ նախագահի հանդեպ այս առանցքային գործը ցույց տվեց, որ Հայաստանում կա շատ ուժեղ քաղաքացիական հասարակություն, ուժեղ իրավական հանրույթ, որը պատրաստ է պայքարելու ընդդեմ իրավական բեսպրեդելի, ընդդեմ քաղաքական հետապնդումների, որը չի վախենում հետապնդումներից, պաշտոնը կորցնելուց, չի վաճառում իր կարծիքն ու ընկերներին։ «Դա կարեւորագույն եզրակացությունն է»,- ընդգծեց Սողոմոնյանը՝ շնորհակալություն հայտնելով բոլոր նրանց, որոնք, անտեսելով լկտի հարձակումները՝ վիրտուալ եւ ֆիզիկական, հավատարիմ են մնում իրենց սկզբունքներին։

Վիկտոր Սողոմոնյանը տեղեկացրեց, որ ի պաշտպանություն Ռոբերտ Քոչարյանի հայտարարության տակ ստորագրել է 40 հազար մարդ Հայաստանից, Արցախից եւ Սփյուռքից։

Որպես իրավիճակի շտկման միջոց նա առաջարկել է իշխանություններին մի քանի քայլեր« թեեւ համոզված չէ, որ նրանք դրան ի վիճակի են անել:

Այնուամենայնիվ, նա առաջարկել է անհապաղ դադարեցնել քաղաքական հետապնդումը, հրաժարվել բռնաճնշումներից եւ զանգովի արդարադատությունից, դատավարությունը վերադարձնել օրինականության հուն, դադարեցնել Մարտի 1-ի գործի խեղաթյուրումը եւ ջանքերն ուղղել մարդկանց սպանությունների մեղավորներին պարզելուն, առաջին ատյանի դատարանը պետք է կատարի ՍԴ որոշումը եւ ազատ արձակի Ռոբերտ Քոչարյանին, դադարեցնի քրեական հետապնդումը, դադարեցնի պատմությունը նենգափոխելու փորձերը, կոպիտ ճնշումը դատաիրավական համակարգի եւ մասնավորապես՝ դատարանների վրա։ ՍԴ-ն ենթարկեցնելու փորձերը հարված են հասցնում դեմոկրատիային եւ տանում միանձնյա իշխանության, զգուշացրել է Վիկտոր Սողոմոնյանը։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հույս ունենք, որ դատավոր Պապոյանը օրենքի խախտման չի դիմի՝ նույնիսկ ճնշման տակ. փաստաբան
Այս անգամ փաստաբաններին թույլ են տվել մասնակցել դատավորի ընտրության գործընթացին…
Նպատակ ունեն շարքից հանել իրենց համար անկանխատեսելի դատավորներին. Ռոբերտ Քոչարյան
Սա մի գործիք է ձեւավորելու, որը 2 կողմն էլ կարող են կիրառել դատական պրակտիկայում…
Ռոբերտ Քոչարյանի փաստաբանը նրա հետ չի քննարկել Սերժ Սարգսյանին ներկայացված մեղադրանքը
Հայկ Ալումյանը երկրորդ նախագահի հետ չի քննարկել Սերժ Սարգսյանին ներկայացված մեղադրաքը...
Վերաքննիչ դատարանի դատավոր Մխիթար Պապոյանը հեռացավ խորհրդակցական սենյակ (ֆոտո)
Նախորդ դատական նիստը հետաձգվել էր...
Վերաքննիչ դատարանում քննվում է Ռոբերտ Քոչարյանի փաստաբանների բողոքը
Միջնորդությունը հերթական դատավորից ազատվելու գործիք է, որը կարող է անկանխատեսելի որոշում կայացնել…
Պարոն Քոչարյանը պարտավոր չէ մնալ կալանքի տակ, որովետեւ դատավոր Աննա Դանիբեկյանը որոշել է արձակուրդ գնալ.Հայկ Ալումյան
Դատախազները ճիշտ չեն ասում…